മൂവാറ്റുപുഴ : ബജറ്റ് നിരാശാജനകമെന്ന് മാത്യു കുഴല്‍ നാടന്‍ എം എല്‍ എ പറഞ്ഞു. കര്‍ഷകക്ഷേമ പ്രവര്‍ത്തനങ്ങള്‍ക്ക് ബജറ്റില്‍ നിര്‍ദേശമില്ല. മുന്‍പ് അനുവദിച്ച പദ്ധതികള്‍ നടപ്പാക്കാന്‍ പോലും സര്‍ക്കാരിനായില്ല. കാര്‍ഷിക മേഘലക്ക് സഹായ പദ്ധതികള്‍ പ്രഖ്യാപനത്തില്‍ മാത്രം ഒതുങ്ങുകയാണെന്നും എം എല്‍ എ പറഞ്ഞു.140 നിയോജക മണ്ഡലങ്ങളിലേയും ഇരുപത് പദ്ധതികള്‍ ബജറ്റില്‍ ഇടം പിടിച്ചു. ഇതില്‍ മൂവാറ്റുപുഴയിലേയും 20 പദ്ധതികള്‍ ഉള്‍പ്പെട്ടിട്ടുണ്ട്. താന്‍ നല്‍കിയ പുതിയ പൊതുമരാമത്ത് ഓഫിസ് സമുച്ചയത്തിന് 5 കോടി രൂപയുടെ പദ്ധതി അംഗീകരിച്ചു, ഇതില്‍ 1 കോടി ബജറ്റില്‍ അനുവദിച്ചതായും എം എല്‍ എ പറഞ്ഞു.
ജനറല്‍ ആശുപത്രിയില്‍ ഓങ്കോളജി ബ്ലോക്ക് , പൊതുമരാമത്ത് ഓഫിസ് സമുച്ചയം, മൂവാറ്റുപുഴ ആറ്റില്‍ കായനാട് റെഗുലേറ്റര്‍ സംവിധാനം, സിവില്‍ സ്റ്റഷേനില്‍ മൂന്നാം നില നിര്‍മ്മാണം, കലൂര്‍ – കടവൂര്‍ റോഡ് ബി.എം ആന്റ് ബിസി മെച്ചപ്പെടുത്തല്‍ , വെസ്റ്റേണ്‍ ബൈപാസ് നിര്‍മ്മാണം, ഇ ഇ സി മാര്‍ക്കറ്റില്‍ അഗ്രിക്കള്‍ചറല്‍ ടെസ്റ്റിംഗ് ലബോറട്ടറി ആന്റ് കോള്‍ഡ് ചെയിന്‍ സിസ്റ്റം, മൂവാറ്റുപുഴ-മാറാടി റോഡ്, അമ്പലംകുന്ന് റോഡ് – കാപ്പിപ്പിളളി പാലം പുനര്‍നിര്‍മ്മാണം, കടാതി-കടയ്ക്കനാട് റോഡ്, നിര്‍മ്മല ബൈപാസ് നിര്‍മ്മാണം, തൊടുപുഴ – പിറവം റോഡ് (മാറിക- കരിമ്പന), ആവോലി – കാരിമറ്റം – രണ്ടാര്‍ റോഡ്, പോത്താനിക്കാട് – പൈങ്ങോട്ടൂര്‍ റോഡ്, വാഴക്കുളം – കോതമംഗലം റോഡ്, അമ്പലം പടി – വീട്ടൂര്‍ റോഡ്, അമ്പലം പടി -റാക്കാട് റോഡ്, വാഴക്കുളം അരിക്കുഴ -മൂഴി റോഡ്, തൃക്കളത്തൂര്‍ കുടിവെള്ള പദ്ധതി, മൂവാറ്റുപുഴ റൂറല്‍ അഗ്രികള്‍ച്ചറല്‍ ഹോള്‍ സെയില്‍ മാര്‍ക്കറ്റിന്റെ അടിസ്ഥാന സൗകര്യ വികസനം എന്നീ പദ്ധതികള്‍ക്കാണ് ബജറ്റില്‍ തുക അനുവദിച്ചത്.
ജനറല്‍ ആശുപത്രിക്ക് ഓങ്കോളജി ബ്ലോക്കിന് 2017 – 18 വര്‍ഷത്തില്‍ബജറ്റില്‍ തുക അനുവദിച്ചിരുന്നു.അന്നത്തെ ജനപ്രതിനിതിയും ബന്ധപ്പെട്ട ഉദ്യോഗസ്ഥരും അടക്കം എ.എസ് ഉള്‍പ്പടെയുള്ള ഒന്നും ലഭ്യമാക്കാന്‍ നടപടി സ്വീകരിച്ചില്ല , ചെയ്തില്ല. ഇതോടെ പദ്ധതി പൂര്‍ണ്ണമായി ലാപ്‌സായി പോയി. ഓങ്കോളജി ബ്ലോക്കിനായി ഈ വര്‍ഷം പുതിയ പദ്ധതി സമര്‍പ്പിച്ചിട്ടുണ്ടന്ന് എം എല്‍ എ പറഞ്ഞു. ഇല്ലാകഥകള്‍ മെനഞ്ഞ് തെറ്റായ പ്രചരണം നടത്തരുത്. ജനങ്ങളെ തെറ്റിധരിപ്പിന്‍ താനില്ല, വായില്‍ തോന്നുന്നത് വിളിച്ച് പറയുന്നവര്‍ക്ക് പിന്നാലെ മറുപടി പറയാനുമില്ല. മൂവാറ്റുപുഴയുടെ വികസനമാണ് പ്രധാന അജണ്ട, അതിനായി പ്രവര്‍ത്തനം തുടരുമെന്നും മാത്യു കുഴല്‍ നാടന്‍ എംഎല്‍എ പറഞ്ഞു.
