മൂവാറ്റുപുഴ: ജനറല് ആശുപത്രിയെ അന്താരാഷ്ട്ര നിലവാരത്തിലെത്തിക്കാന് കൂടുതല് നവീകരണ പ്രവര്ത്തനങ്ങള് ഒരുക്കുമെന്ന് ആരോഗ്യ മന്ത്രി വീണാ ജോര്ജ് . ഇതിനായി മാത്യു കുഴല് നാടന് എം എല് എ അന്താരാഷ്ട്ര നിലവാരത്തില് തയ്യാറാക്കിയ മാസ്റ്റര് പ്ലാന് സംമ്പന്ധിച്ച് ആശുപത്രിയില് പരിശോധനക്കും ഉന്നതതല ഉദ്യോഗസ്ഥരുമായി നടത്തിയ ചര്ച്ചകള്ക്കും ശേഷം മാധ്യമ പ്രവര്ത്തകരോട് സംസാരിക്കുകയായിരുന്നു മന്ത്രി . മാസ്റ്റര് പ്ലാന് അനുസരിച്ച് വേണ്ട ഇടപെടലുകള് സര്ക്കാര് നടത്തുമെന്നും മന്ത്രി പറഞ്ഞു. സാധാരണക്കാര്ക്ക് കൂടുതല് മെച്ചപെട്ട ചികിത്സാ സൗകര്യങ്ങള് ഒരുക്കുകയാണ് സര്ക്കാര് നയമെന്നും മന്ത്രി പറഞ്ഞു.
വിദഗ്ദമായ പ്ലാനുകള് തയ്യാറാക്കുന്ന പരിചയ സമ്പന്നരായ പ്രത്യേക ഏജന്സിയാണ് പ്ലാന് തയ്യാറാക്കിയത്. ഇതിനായി പത്ത് ലഷം രൂപ ചെലവായതായി മാത്യു കുഴല് നാടന് എം എല് എ പറഞ്ഞു. പ്പാന് വിശകലനം ചെയ്യുന്നതോടൊപ്പം ഇവിടുത്തെ ഭൗതീക സാഹചര്യങ്ങള് മന്ത്രിയെ ബോധ്യപ്പെടുത്താന് കഴിഞ്ഞതായി എംഎല്എ പറഞ്ഞു, ആശുപത്രി പ്രവര്ത്തനങ്ങള് വിപുലീകരിക്കുന്നതിന്റെയും നവീകരിക്കുന്നതിന്റെയുമടക്കം ഇവിടുത്തെ അവസ്ഥ മന്ത്രിയെ ബോധ്യപ്പെടുത്താന് കഴിഞ്ഞതായും എം എല് എ പറഞ്ഞു, വികസന കാര്യങ്ങളില് ആരോഗ്യ ചികിത്സാ രംഗത്ത് പ്രഥമ പരിഗണന നല്കുമെന്നും എം എല് എ പറഞ്ഞു.
ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, മുനിസിപ്പല് വൈസ് ചെയര്മാന് സിനി ബിജു, ജില്ലാ പഞ്ചായത്ത് സ്റ്റാന്റിംഗ് കമ്മിറ്റി ചെയര്പേഴസണ് റാണികുട്ടി ജോര്ജ്ജ്, നഗരസഭ സ്റ്റാന്റിംഗ് കമ്മിറ്റി ചെയര്മാന് അജി മുണ്ടാട്ട്, കൗണ്സിലര്മാരായ ജിനു മടേയ്ക്കല്, പ്രമീള ഗിരീഷ് കുമാര് , ജോയ്സ് മേരി ആന്റണി, ബിന്ദു ജയന്, ജില്ല മെഡിക്കല് ഓഫീസര് ഡോ. ജയശ്രീ , ഡി പി എം ഡോ. സജിത് ജോണ്, ആശുപത്രി സൂപ്രണ്ട് ഡോ.പദ്മനാഭന്, ഡോ.ഷാജഹാന് എന്നിവരും പങ്കെടുത്തു.