മൂവാറ്റുപുഴ: പായിപ്ര ഗ്രാമ പഞ്ചായത്തിലെ 22 ആം വാര്ഡില് ലക്ഷംവീട്, കിണറുംപടി, സൊസൈറ്റിപ്പടി പ്രദേശങ്ങളില് കുടിവെള്ളം കിട്ടിയിട്ട് ദിവസങ്ങള് ആയതിനെ തുടര്ന്ന് പായിപ്ര പഞ്ചായത്ത് 22 ആം വാര്ഡ് മെമ്പറും ആരോഗ്യ വിദ്യാഭ്യാസ സ്റ്റാന്റിംഗ് കമ്മിറ്റി ചെയര്മാനുമായ എംസി വിനയന്റെ നേതൃത്വത്തില് ജനങ്ങള് മുവാറ്റുപുഴ വാട്ടര് അതോറിറ്റി എക്സിക്യൂട് എഞ്ചിനിയറെ ഉപരോധിച്ചു. കൂടിവെളളം കിട്ടാതെ ഉപരോധം അവസാനിപ്പിക്കില്ല എന്ന നിലപാട് വാര്ഡ് മെമ്പറും ജനങ്ങളും എടുത്തതോടെ വാട്ടര് അതോറിറ്റി ഉദ്യോഗസ്ഥര് ഉടന് തന്നെ വെളളം എത്തിക്കാമെന്നും പായിപ്ര മേഖലയിലേക്ക് പമ്പിംഗ് ആരംഭിക്കാം എന്നും ഉറപ്പ് ലഭിച്ചതില് പിന്നെയാണ് ഉപരോധം അവസാനിച്ചത്.
ഏറ്റവും സാധാരക്കാരായ ജനങ്ങള് താമസിക്കുന്ന ലക്ഷംവീട് അടക്കം ഉള്പെടുന്ന പ്രദേശത്ത് കുടിവെള്ളം എത്തിയിട്ട് ദിവസങ്ങള് ആയി എന്നും പലതവണ താനും ജനങ്ങളും വാട്ടര് അതോറിറ്റി ഉദ്യോഗസ്ഥരെ ബന്ധപ്പെടുംപ്പോള് ഇപ്പോള് തന്നെ പരിപാരം ഉണ്ടാക്കാമെന്ന് പറയുന്നതല്ലാതെ തീരുമാനമില്ല എന്നും വാട്ടര് അതോറിറ്റി പൈപ്പ് ലൈനുകള് പൊട്ടിയാല് കരാറുകാര്ക്ക് പണം നല്കാത്തതിനാല് നന്നക്കാന് പോലും ആളുകള് ഇല്ലാത്ത അവസ്ഥയാണെന്നും എം സി വിനയന് പറഞ്ഞു.
നിലവില് വാട്ടര് അതോറിറ്റി അധികാരികള് പറഞ്ഞത് പായിപ്രയിലേക്ക് പമ്പിംഗ് ആരംഭിക്കുകയാണ് എന്നും ഉടന് തന്നെ വെളളം കിട്ടും എന്ന ഉറപ്പാണ് അധികാരികള് തന്നിരിക്കുന്നത് എന്നും ഇതിന്റെ ഉറപ്പില് മാത്രമാണ് ഉപരോധം അവസാനിപിക്കുന്നത് എന്നും ഇനിയും വെള്ളം കിട്ടാതെ വന്നാല് വലിയ രീതിയില് ജങ്ങങ്ങളെ സംഘടിപ്പിച്ച് ശക്തമായ പ്രക്ഷോഭം വാട്ടര് അതോറിറ്റിക്ക് മുന്നില് സംഘടിപ്പിക്കുമെന്ന് എം സി വിനയനും ജനങ്ങളും അറിയിച്ചു.