ഓണം സ്പെഷ്യല് ഡ്രൈവിനോട് അനുബന്ധിച്ച് സെന്ട്രല് സോണ് കമ്മീഷണര് സ്ക്വാഡ് മൂവാറ്റുപുഴ കടവൂരില് നടത്തിയ റെയ്ഡിലാണ് 79.76 കിലൊ കഞ്ചാവ് പിടികൂടിയത്. സെന്ട്രല് സോണ് കമ്മീഷണര് സ്ക്വാഡ് സര്ക്കിള് ഇന്സ്പെക്ടര് പി.ജുനൈദിന്റെ നേതൃത്വത്തില് മൂവാറ്റുപുഴ കലൂര് ഭാഗത്ത് വാഹന പരിശോധന നടത്തി വരവേ ആന്ധ്ര പ്രദേശത്ത് നിന്നും കേരളത്തിലേക്ക് കടത്തി കൊണ്ടു വന്ന 79.706 കിലോ കഞ്ചാവും, KL38. E7340 നാഷണല് പെര്മിറ്റ് ലോറിയും പിടികൂടി.
തൊടുപുഴ താലൂക്കില്, വണ്ണപ്പുറം വില്ലേജില്, കാളിയാര് കര ദേശത്ത് മലയില് മുണ്ടയില് വീട്ടില് കുമാരന് മകന് തങ്കപ്പന്, തൊടുപുഴ താലൂക്കില്, വണ്ണപ്പുറം വില്ലേജില്, കുളിയാര്ക്കരദേശത്ത്, മലയില് മുണ്ടയില് വീട്ടില് തങ്കപ്പന് മകന് അരുണ് തങ്കന്, തൊടുപുഴ, കോടുകുളം, പടിഞ്ഞാറെ കോ ടു കുളം അമ്പാട്ട് വീട്ടില് വിജയന് മകന് നിധിന് വിജയന്, തൊടുപുഴ, വണ്ണപ്പുറം, ചിങ്കല് സിറ്റി ദേശത്ത്, കരിക്കിന് പറമ്പില് വീട്ടില് നാസര് മകന് അബിന്സ് എന്നിവരെയാണ് പിടികൂടിയത്. ഇവര് ആന്ധ്രപ്രദേശില് നിന്നും ഒരു കിലോ കഞ്ചാവ് 3000 രൂപക്ക് വാങ്ങി കേരളത്തിലെത്തിച്ച് ഒരു കിലോക്ക് 20000 മുതല് 35000 രൂപാ നിരക്കിലാണ് ഇവിടെ ഇടനിലക്കാര്ക്ക് വിറ്റു വരുന്നത്.
ആര്ക്കും സംശയം തോന്നാത്ത വിധത്തില് ‘ഗൂഗിള് പേ വഴിയാണ് ഇടപാടുകള് നടത്തി വരുന്നത്. ആന്ദ്രയിലെ വിജയവാടയില് നിന്നും ആഴ്ചകളോളം നടന്ന് കഞ്ചാവ് ശേഖരിച്ച് എറണാകുളം ദാഗത്ത് എത്തിക്കുകയും വില്പ്പന നടത്തുകയും ചെയ്യുന്നു. പ്ലൈവുഡ്, ഫലവര്ഗ്ഗങ്ങള് എന്നിവക്കിടയില് ആര്ക്കും സംശയം തോന്നാത്ത രീതിയിലാണ് കഞ്ചാവ് എത്തിച്ചിരുന്നത്. കഞ്ചാവ് ആന്ധ്രയില് കൈമാറുന്നവരെ കുറിച്ചുള്ള വിവരം കിട്ടിയിട്ടുണ്ട് തുടര് അന്വേഷണം ഊര്ജിതമാക്കുന്നതാണെന്ന് അസിസ്റ്റന്റ് എക്സൈസ് കമ്മീഷണര് അറിയിച്ചു. ഇതിന് പണം മുടക്കുന്നത് ഇടുക്കി സ്വദേശി നാസ്സര് എന്നയാളാണ്. അയാള് ദുബൈയിലാണ്. ഇതിനു മുന്പും ഇവര് കഞ്ചാവ് കടത്തിയിരുന്നു. ആദ്യമായാണ് പിടിക്കപെപടുന്നത്. 1500 കിലോയോളം കഞ്ചാവ് കൊണ്ടു വന്ന് പലസ്ഥലത്തും കച്ചവടം നടത്തിയതിന് ശേഷം ബാലന്സ് വന്നതാണ് ഇപ്പോള് പിടികൂടിയത്.