പള്ളിക്കത്തോട്: ന്യൂയോര്ക്കില് പഠന ശേഷം സൈനിക സേവനം നടത്തുകയായിരുന്ന മലയാളി യുവാവ് തിരയില്പ്പെട്ട് ചികിത്സയിലിരിക്കെ മരിച്ചു. കോട്ടയം പള്ളിക്കത്തോട് അരുവിക്കുഴി, കൂവപൊയ്ക പെരികിലക്കാട്ട് മാര്ട്ടിന് ആന്റണിയുടെ മകന് കോളിന് മാര്ട്ടിന് (19) ആണ് മരിച്ചത്.
10 മാസമങ്ങള്ക്കുമുമ്പാണ് സൈന്യത്തില് ചേര്ന്നത്. അഞ്ചു വര്ഷങ്ങള്ക്ക് മുന്പാണ് കോളിന് അമേരിക്കയില് എത്തിയത്. അതുവരെ പഠിച്ചത് കൂരോപ്പയിലെ സ്വകാര്യ സ്കൂളിലാണ്. ബീച്ചിലൂടെ രണ്ടു കൂട്ടുകാര്ക്കൊപ്പം നടക്കവെ തിരയില് അകപ്പെടുകയായിരുന്നു. കൂട്ടുകാര് രക്ഷപ്പെട്ടെങ്കിലും കോളിന് ചുഴിയില്പ്പെട്ട് മുങ്ങിപ്പോവുകയായിരുന്നു.
രക്ഷപ്പെടുത്തി നാലു ദിവസം മുന്പ് ആശുപത്രിയില് എത്തിച്ചെങ്കിലും ചികിത്സയിലിരിക്കെ മരിച്ചു. അമ്മ: മഞ്ജു മാര്ട്ടിന്, സഹോദരന്: ക്രിസ്റ്റി മാര്ട്ടിന്.സംസ്കാരം പിന്നീട് ന്യൂയോര്ക്കില് നടക്കും.