മൂവാറ്റുപുഴ: കെ.എസ്.ആര്.ടി.സി ബസ് സ്റ്റാന്റിന്റെ രണ്ടാംഘട്ട വികസന പ്രവര്ത്തനങ്ങള്ക്കായി 2.70 കോടി രൂപ അനുവദിച്ചു. സിവില് – അനുബന്ധ വര്ക്കുകള്ക്ക് പുറമേ കൂടുതല് ആധുനിക സൗകര്യങ്ങള്ക്കായാണ് തുക അനുവദിച്ചത്. ഭരണാനുമതി ലഭിച്ചതോടെ വര്ക്ക് ടെന്ഡര് നടപടികള് തുടങ്ങിയതായി ഡോ: മാത്യു കുഴല് നാടന് എം എല് എ പറഞ്ഞു. കാലങ്ങളായി നിര്മ്മാണം മുടങ്ങി കിടന്ന സ്റ്റാന്റിന്റെ നിര്മ്മാണങ്ങള്ക്കായി 3 കോടി രൂപ നേരത്തെ അനുവദിച്ചിരുന്നു.
മൂവാറ്റുപുഴ സ്റ്റാന്റിനോടുള്ള അവഗണന മൂലം ദുരിതത്തിലായിരുന്നു യാത്രക്കാര്. ഉന്നത നിലവാരത്തില് സ്റ്റാന്റ് നിര്മ്മാണം ഉടന് പൂര്ത്തിയാക്കാന് കൂടുതല് ഫണ്ട് അനുവദിക്കണമെന്നാവശ്യപ്പെട്ട് കെ.എസ്.ആര്.ടി.സി മാനേജിംഗ് ഡയറക്ടറുമായി ബന്ധപ്പെട്ട് നടത്തിയ നിരന്തര ഇടപെടലിനെ തുടര്ന്നാണ് സര്ക്കാര് കൂടുതല് പണം അനുവദിച്ചത്. നവീകരണ പ്രവര്ത്തനങ്ങള് ഉടന് പൂര്ത്തിയാക്കുമെന്ന് മാത്യു കുഴല്നാടന് എം എല് എ പറഞ്ഞു.
ശുചി മുറികളും ഇരിപ്പിടങ്ങളുമടക്കം കൂടുതല് ആധുനിക നിലവാരത്തോടെ പൂര്ത്തിയാക്കും. , ലൈറ്റുകള്, ഫാനുകള് എന്നിവ സ്ഥാപിക്കും ഓടകളുടെ നിര്മ്മാണം ഉടന് പൂര്ത്തിയാക്കും. ഇതിനായുള്ള എസ്റ്റിമേറ്റ് തയ്യാറാക്കി. അടിയന്തിര പ്രാധാന്യത്തോടെ പണികള് പൂര്ത്തിയാക്കി മൂവാറ്റുപുഴയെ മികച്ച സ്റ്റാന്റാക്കി മാറ്റുമെന്നും എം എല് എ പറഞ്ഞു. കഴിഞ്ഞ ഒരു വര്ഷത്തിനിടെ 6 കോടിയോളം രൂപ കെ.എസ് ആര് ടി സിക്ക് മാത്രമായി അനുവദിപ്പിക്കാന് കഴിഞ്ഞതായും എം എല് എ പറഞ്ഞു.