പാലക്കാട്: മുതിര്ന്ന കോണ്ഗ്രസ് നേതാവും മുന് നഗരസഭ ചെയര്മാനുമായിരുന്ന കെ.എസ്.ബി.എ തങ്ങളുടെ മൃതദേഹം കാണാന് ഷാഫി പറമ്പില് എംഎല്എയെ കോണ്ഗ്രസ് പ്രവര്ത്തകര് അനുവദിച്ചില്ല. മുതിര്ന്ന നേതാക്കള് ഇടപെട്ട് ചര്ച്ച നടത്തിയിട്ടും പ്രവര്ത്തകര് വഴങ്ങാതെ വന്നതോടെ എംഎല്എ മൃതദേഹം കാണാന് എത്തിയില്ല.
പാലക്കാട്ടെ കോണ്ഗ്രസിലെ പടലപ്പിണക്കങ്ങളും ഷാഫി പരമ്പിലിന്റെ ഏകപക്ഷീയ നിലപാടുകളുമാണ് പ്രവര്ത്തകരുടെ വ്യാപക പ്രതിഷേധത്തിന് കാരണം. മുന് പട്ടാമ്പി എംഎല്എ സി പി മുഹമ്മദിനും അനുമതി നല്കിയില്ല. നെയും എന്നിവര്ക്കെതിരെയായിരുന്നു പ്രവര്ത്തകരുടെ പ്രതിഷേധം.
തന്നെ രാഷ്ട്രീയപരമായി ഇല്ലാതാക്കാന് ശ്രമിച്ചവരായിരുന്നു ഇരു നേതാക്കളുമെന്ന് കെഎസ്ബിഎ തങ്ങള് നേരത്തെ സുഹൃത്തുക്കളോട് പറഞ്ഞിരുന്നു. താന് മരിച്ചാല് ഇരു നേതാക്കളെയും തന്റെ മൃതദേഹം കാണിക്കരുതെന്ന് ബന്ധുക്കളോടും അദ്ദേഹം നിര്ദേശിച്ചിരുന്നു. അതുകൊണ്ടു തന്നെ മൃതദേഹം ഇരുവരെയും കാണിക്കില്ലെന്ന തീരുമാനത്തിലായിരുന്നു തങ്ങളുടെ ബന്ധുക്കളും കോണ്ഗ്രസ് പ്രവര്ത്തകരും
മുതിര്ന്ന നേതാക്കള് ഇടപെട്ട് അനുനയ നീക്കം നടത്തിയെങ്കിലും അത് വിജയിച്ചില്ല. നേരത്തെ തങ്ങളെ എറണാകുളത്തെ ആശുപത്രിയില് എത്തി കാണാന് ഷാഫി പറമ്പില് ശ്രമിച്ചെങ്കിലും ബന്ധുക്കള് തടഞ്ഞിരുന്നു. ഷാഫി പറമ്ബിലിനെ രാഷ്ട്രീയത്തിന്റെ തുടക്കത്തില് ഏറെ സഹായിച്ച വ്യക്തി കൂടിയായിരുന്നു തങ്ങള്. ഷാഫി വിദ്യാര്ഥി രാഷ്ട്രീയത്തില് ചുവടുവയ്ക്കുന്ന കാലത്ത് പട്ടാമ്പിയില് കോണ്ഗ്രസിന്റെ ഏറ്റവും ജനകീയ മുഖവും അന്നത്തെ പഞ്ചായത്ത് പ്രസിഡന്റുമായിരുന്നു തങ്ങള്. അദ്ദേഹമാണ് ഷാഫിയെ പട്ടാമ്പിയില് കൈപിടിച്ചുയര്ത്തിയത്.