തിരുവനന്തപുരം: നിയമസഭയിലെ സംഘര്ഷത്തിന്റെ പശ്ചാത്തലത്തില് സ്പീക്കര് വിളിച്ച കക്ഷി നേതാക്കളുടെ യോഗം തീരുമാനമാകാതെ പിരിഞ്ഞു. വാച്ച് ആന്ഡ് വാര്ഡര്മാര്ക്കെതിരെ നടപടി വേണമെന്ന നിലപാടില് പ്രതിപക്ഷം ഉറച്ചുനിന്നതോടെ യോഗം പിരിഞ്ഞു. സമാന്തരസഭ ചേര്ന്നതില് നടപടി വേണമെന്ന് ഭരണപക്ഷവും യോഗത്തില് ആവശ്യപ്പെട്ടു. മുഖ്യമന്ത്രി പിണറായി വിജയന്, പ്രതിപക്ഷ നേതാവ് വിഡി സതീശന് ഉള്പ്പെടെയുള്ള നേതാക്കളാണ് യോഗത്തില് പങ്കെടുത്തത്.
ഇതിനിടെ വാച്ച് ആന്റ് വാര്ഡറുമാരുടെ നടപടിക്കെതിരെ ആറ് പ്രതിപക്ഷ എംഎല്എമാര് സ്പീക്കര്ക്ക് പരാതി നല്കി. തിരുവഞ്ചൂര് രാധാകൃഷ്ണന്, കെ കെ രമ, ഉമ തോമസ്, സനീഷ് കുമാര് ജോസഫ്, ടി വി ഇബ്രാഹിം, എ കെ എം അഷ്റഫ് എന്നിവരാണ് പരാതി നല്കിയത്. എംഎല്എമാരെ മര്ദിച്ച വാച്ച് ആന്ഡ് വാര്ഡുകള്ക്ക് എതിരെ നടപടി വേണം എന്ന ആവശ്യമാണ് പരാതിയില് ഇവര് ഉന്നയിച്ചത്.