മുഖ്യമന്ത്രി പിണറായി വിജയന് പ്രശംസയുമായി തമിഴ്നാട് മുഖ്യമന്ത്രി എം കെ സ്റ്റാലിന്. ഇന്ത്യയിലെ മുഖ്യമന്ത്രിമാരില് വേറിട്ട മുഖമാണ് പിണറായി വിജയന്റേതെന്നാണ് എം കെ സ്റ്റാലിന് പ്രശംസിച്ചത്. സിപിഎം 23ാം പാര്ട്ടി കോണ്ഗ്രസ് സെമിനാര് വേദിയില് സംസാരിക്കുകയായിരുന്നു അദ്ദേഹം. പിണറായി വിജയന് മതേതരത്വത്തിന്റെ മുഖമാണെന്നും ഈ സെമിനാറില് പങ്കെടുക്കുന്നത് തന്റെ കടമയാണെന്നും അദ്ദേഹം പറഞ്ഞു. മലയാളത്തിലാണ് സ്റ്റാലിന് ആദ്യം പ്രസംഗിച്ചു തുടങ്ങിയത് കണ്ണൂരിന്റെ ചരിത്രത്തെയും ഇ എം ഇസിനെയും എല്ലാം തന്റെ പ്രസംഗത്തില് സ്റ്റാലിന് പരാമര്ശിച്ചു.
ഒരു കയ്യില് പോരാട്ട വീര്യവും മറുകയ്യില് ഭരണ പാടവുമുള്ള മുഖ്യമന്ത്രിയാണ് പിണറായി വിജയനെന്ന് തമിഴ്നാട് മുഖ്യമന്ത്രി എം,കെ. സ്റ്റാലിന്. ഭരണമികവില് പിണറായി തനിക്ക് എന്നും വഴി കാട്ടിയാണ്. രാജ്യത്തിന് മാതൃകയായ വികസന , ക്ഷേമ പധതികളാണ് അദ്ദേഹത്തിന്റെ നേതൃത്വത്തില് നടപ്പാക്കുന്നത്. പിണറായി രാജ്യത്തെ ഉരുക്കുമനുഷ്യരില് ഒരാളാണ്. പൊതു പ്രവര്ത്തകരില് വേറിട്ട മുഖം. രാജ്യത്തെ അവകാശ പോരാട്ടങ്ങളുടെയും മതേതരത്വത്തിന്റേയും മുഖമാണ് പിണറായി വിജയന്.
സെമിനാറില് പങ്കെടുക്കാന് അദ്ദേഹം ക്ഷണിച്ചപ്പോള് സന്തോഷത്തോടെ സ്വീകരിച്ചു. അത് എന്റെ കടമയാണ്. കേരളവുമായുള്ള ഞങ്ങളുടെ ഊഷ്മള ബന്ധത്തിന്റെ ഭാഗമായി കൂടിയാണിത്. കണ്ണൂര് ധീരതയുടേയും ത്യാഗത്തിന്റേയും ഭൂമിയാണ്. ഇവിടെ എത്താനായത് ആവേശം പകരുന്നു. ബ്രിട്ടീഷ് നയങളാണ് ബിജെപി നടപ്പാക്കുന്നത്. മതേതരത്വം, ഫെഡറലിസം എന്നിവ ബിജെപി തകര്ക്കുകയാണ്. സംസ്ഥാനങ്ങളെ ദുര്ബ്ബലമാക്കാനാണ് കേന്ദ്ര ശ്രമം. ഇതിനെതിരായി ഒറ്റക്കെട്ടായി പോരാടുമെന്നും. സ്റ്റാലിന് പറഞ്ഞു.