മണ്ഡല മകരവിളക്ക് തീര്ത്ഥാടനത്തിനായി ശബരിമല നട ഇന്ന് തുറക്കും. വൈകീട്ട് അഞ്ചിന് തന്ത്രി കണ്ഠരര് മഹേഷ് മോഹനരുടെ മുഖ്യ കാര്മികത്വത്തില് മേല്ശാന്തി വി കെ ജയരാജ് പോറ്റി നട തുറന്ന് ദീപം തെളിക്കും. ആറ് മണിക്ക് പുതിയ ശബരിമല,മാളികപ്പുറം മേല്ശാന്തിമാരുടെ അവരോധിരക്കല് ചടങ്ങുകള് നടക്കും.
വൃശ്ചികം ഒന്നായ നാളെ രാവിലെ മുതലാണ് ഭക്തര്ക്ക് ദര്ശനം. പ്രതിദിനം മുപ്പതിനായിരെ പേര്ക്കാണ് അനുമതി. കാലവസ്ഥ പ്രതികൂലമായതിനാല് ആദ്യ മൂന്ന് ദിവസം ഭക്തരുടെ എണ്ണം നിയന്ത്രിക്കും. ഈ ദിവസങ്ങളില് പമ്പ സ്നാനം അനുവദിക്കില്ല. സ്വാമി അയ്യപ്പന് റോഡ് വഴിയാണ് മലകയറ്റം. കാനന പാത അനുവദിക്കില്ല.
കോവിഡ് മഹാമാരിയുടെ പ്രത്യേക സാഹചര്യം കണക്കിലെടുത്ത് കര്ശനമായ മാനദണ്ഡങ്ങള് പാലിച്ചാണ് ഭക്തരെ സന്നിധാനത്തേക്ക് പ്രവേശിപ്പിക്കുന്നത്. ദര്ശനത്തിനെത്തുന്നവര്ക്ക് രണ്ട് ഡോസ് വാക്സിന് സര്ട്ടിഫിക്കറ്റ് നിര്ബന്ധമാണ്. ആര്ടിപിസിആര് പരിശോധന നെഗറ്റീവ് ഫലം ഉള്ളവര്ക്കും ദര്ശനത്തിന് അനുമതി നല്കിയിട്ടുണ്ട്.
