കേരളോത്സവം : വാഴക്കുളം ബ്ലോക്ക് മുന്നിൽ , രണ്ടാം സ്ഥാനത്ത് പറവൂർ

മൂവാറ്റുപുഴ: സംഘടിപ്പിക്കുന്ന ജില്ലാതല കേരളോത്സവത്തില്‍ കലാ കായിക മത്സരങ്ങളിൽ 162 പോയിന്റുമായി വാഴക്കുളം ബ്ലോക്ക് ഒന്നാമതെത്തി.
155 പോയിന്റ് നേടി പറവൂർ ബ്ലോക്ക് രണ്ടാം സ്ഥാനത്തും 104 പോയിന്റുമായി ത്യപ്പൂണിത്തുറ നഗരസഭ മൂന്നാം സ്ഥാനത്തുമെത്തി.സംസ്ഥാന യുവജന ക്ഷേമ ബോര്‍ഡ് തദ്ദേശസ്വയംഭരണ സ്ഥാപനങ്ങളുടെ സഹകരണത്തോടെയാണ് കേരളോ ത്സവം സംഘടിപ്പിക്കുന്നത്.

കലാ മത്സരത്തിൽ(156)പോയിന്റ് കരസ്ഥമാക്കിയ വാഴക്കുളത്തിനാണ് ഒന്നാം സ്ഥാനം. തൃപ്പൂണിത്തുറ നഗരസഭക്കാണ് (130) രണ്ടാം സ്ഥാനം .കായിക മത്സരങ്ങളിൽ പാറക്കടവ് ബ്ലോക്ക് ഒന്നാം സ്ഥാനത്തെത്തി (38), പറവൂർ ബ്ലോക്കും ഏലൂർ മുനിസിപ്പാലിറ്റിയും 26 പോയിന്റു വിതം നേടി രണ്ടാമതെത്തി.
ക്രിക്കറ്റ് മത്സരത്തിൽ പാറക്കടവ് ബ്ലോക്ക് ജേതാക്കളായി. പാമ്പാക്കുട ബ്ലോക്കിനാണ് രണ്ടാം സ്ഥാനം. വടം വലിയിൽ പുരുഷ വിഭാഗം (600 കിലോ) അങ്കമാലി ബ്ലോക്ക് വിജയികളായി. പറവൂർ ബ്ലോക്കിനാണ് രണ്ടാം സ്ഥാനം. വനിതകളുടെ വടംവലിയിൽ ( 540 കിലോ) ഏലൂർ നഗരസഭയാണ് ഒന്നാം സ്ഥാനത്ത്. വടവുകോട് ബ്ലോക്കിനാണ് രണ്ടാം സ്ഥാനം.

ആർച്ചറിയിൽ (50 മീറ്റർ) വനിതകളുടെ മത്സരത്തിൽ ജിയാന – പാറക്കടവ് ബ്ലോക്ക് ഒന്നാം സ്ഥാനത്തും ബിന്ന മേരി ജോസഫ് രണ്ടാം സ്ഥാനവും കരസ്ഥമാക്കി. 30 മീറ്ററിൽ ജിയാന – പാറക്കടവ് ബ്ലോക്ക് ഒന്നാം സ്ഥാനത്തും ഹന്ന – കോതമംഗലം രണ്ടാം സ്ഥാനവും കരസ്ഥമാക്കി.

ലളിതഗാനം – പുരുഷൻ
1. ഹാരിഷ് – പാറക്കടവ് ബ്ലോക്ക്
2. നന്ദൻ കെ.പി – പറവൂർ ബ്ലോക്ക്

ലളിതഗാനം – വനിത
1. ക്രിഷ്ണപ്രീയ ശ്രീജിത് – മുളന്തുരുത്തി ബ്ലോക്ക്
2. ശ്രുതി എ. ആർ – ആലങ്ങാട് ബ്ലോക്ക്

വെള്ളിയാഴ്ച അങ്കമാലി പൊയ്ക്കാട്ടുശേരി ഗ്രൗണ്ടിൽ ഷട്ടിൽ ടൂർണമെന്റുകൾ നടക്കും. ശനിയാഴ്ച നീന്തൽ മത്സരങ്ങൾ മുളന്തുരുത്തി കാരിക്കോട് യു പി എ സിലും ചെസ് , പഞ്ചഗുസ്തി, കളരിപയറ്റ് മത്സരങ്ങൾ ജില്ലാ പഞ്ചായത്ത് ഹാളിലും നടക്കും. അറ്റ്ലറ്റിക് മത്സരങ്ങൾ 11 – 12 തിയതികളിലായി കളമശേരി പൊളിടെക്നിക്കിൽ നടക്കും.