ആലുവ : ചികിത്സാ സൗകര്യങ്ങള് ഒരുക്കുന്നതിനൊപ്പം രോഗപ്രതിരോധ പ്രവര്ത്തനങ്ങള് കൂടുതല് വര്ധിപിക്കുകയും ചെയ്യുകയെന്നതാണ് സര്ക്കാര് പദ്ധതിയെന്ന് ആരോഗ്യ മന്ത്രി വീണ ജോര്ജ് പറഞ്ഞു. ഇതിനായി സംസ്ഥാനത്തെ മുഴുവന് പഞ്ചായത്തുകളിലും സര്വ്വേ നടത്തുമെന്നും ഇതിന്റെ അടിസ്ഥാനത്തില് തുടര് നടപടികള് സ്വീകരിക്കുമെന്നും മന്ത്രി പറഞ്ഞു. ആലുവ ജില്ലാ ആശുപത്രിയില് എറണാകുളം ജില്ലാ പഞ്ചായത്തിന്റെ നേതൃത്വത്തില് നടപ്പാക്കുന്ന കാരുണ്യ സ്പര്ശം സൗജന്യ ഡയാലിസിസ് തുടര് ചികിത്സാ പദ്ധതിയുടെയും സ്നേഹ സ്പന്ദനം പാലിയേറ്റീവ് കെയര് പദ്ധതിയുടെയും ജില്ലാതല ഉദ്ഘാടനം നിര്വ്വഹിച്ച് സംസാരിക്കുകയായിരുന്നു മന്ത്രി. ജില്ലാ ആശുപത്രിയില് ഒഴിവുള്ള തസ്തികകളില് അടിയന്തിര നിയമനം നടത്തുമെന്നും പുതിയ പോസ്റ്റുകളുടെ കാര്യത്തില് അനുഭാവമായി പരിഗണിക്കുമെന്നും മന്ത്രി പറഞ്ഞു. ജീവകാരുണ്യ ആരോഗ്യ ചികിത്സാ രംഗത്ത് ജില്ലാ പഞ്ചായത്ത് പ്രവര്ത്തനം മാതൃകാപരമെന്നും മന്ത്രി പറഞ്ഞു.
അന്വര് സാദത്ത് എം.എല്.എ അധ്യക്ഷത വഹിച്ചു. ചടങ്ങില് എം.പി മാരായ ബെന്നി ബെഹന്നാന്, ജെബി മേത്തര്, ജില്ലാ കളക്ടര് ജാഫര് മാലിക് ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ് , ആലുവ മുനിസിപ്പല് ചെയര്മാന് എം.ഒ ജോണ്, സ്റ്റാന്റിംഗ് കമ്മിറ്റി ചെയര്മാന് റാണി കൂട്ടി ജോര്ജ്
എന്നിവര് സംസാരിച്ചു. വൈസ് പ്രസിഡന്റ് ഷൈനി ജോര്ജ് ആമുഖ പ്രസംഗവും ജില്ലാ മെഡിക്കല് ഓഫീസര് ഡോ.വി. ജയശ്രീ പദ്ധതി വിശദീകരണവും ആരോഗ്യ സ്റ്റാന്റിംഗ് കമ്മിറ്റി ചെയര്മാന് എം.ജെ ജോമി മുഖ്യപ്രഭാക്ഷണവും നടത്തി. ആശുപത്രികള്ക്കുള്ള ഡയാലിസിസ് ഫണ്ട് വിതരണം ഡോ.മാത്യൂസ് മാര് മാത്യു അപ്രേം തിരുമേനിക്ക് നല്കി മന്ത്രി നിര്വ്വഹിച്ചു.
ജില്ലാ പഞ്ചായത്ത് അംഗങ്ങളായ എ.എസ് അനില്കുമാര് , കെ.വി. രവീന്ദ്രന് , മനോജ് മൂത്തേടന്, ശാരദാ മോഹന് , ഷാരോണ് പനയ്ക്കല്, ഷൈമി വര്ഗീസ്, വാര്ഡ് കൗണ്സിലര് പി. പി ജയിംസ്, ജില്ലാ പഞ്ചായത്ത് സെക്രട്ടറി ടിമ്പില് മാഗി പി . എസ്, ദേശിയ ആരോഗ്യ ദൗത്യം ജില്ലാ പ്രോഗ്രാം മാനേജര് ഡോ.സജിത് ജോണ്, ഡപ്യൂട്ടി ഡി എം ഒ ഡോ.കെ. സവിത , ജില്ലാ ആശുപത്രി സൂപ്രണ്ട് ഡോ. പ്രസന്നകുമാരി . കെ എന്നിവര് സംസാരിച്ചു,
പദ്ധതി പ്രകാരം സ്വകാര്യ ആശുപത്രിയില് ഡയാലിസിസ് നടത്തുന്ന രോഗിക്ക് ഒരു ഡയാലിസിസിന് 1000 രൂപ വീതം പ്രതിമാസം നാല് തവണത്തേക്ക് 4000 രൂപ ലഭിക്കും. ഇത് പ്രകാരം ഒരു രോഗിക്ക് ചികിത്സാ സഹായമായി വര്ഷം 48000 രൂപക്കാണ് അര്ഹതയുള്ളത്. ജില്ലയിലെ 82 ഗ്രാമപഞ്ചായത്തുകളിലായി സ്വകാര്യ ആശുപത്രികളില് ഡയാലിസിസിന് വിധേയരാകുന്ന രോഗികള്ക്കാണ് ആനുകൂല്ല്യം ലഭിക്കുക. കഴിഞ്ഞവര്ഷം എണ്ണൂറോളം രോഗികള്ക്കാണ് പദ്ധതിപ്രകാരം സഹായം ലഭിച്ചത്. കിടപ്പു രോഗികള്ക്ക് വീടുകളിലെത്തി പാലിയേറ്റീവ് ചികിത്സ ഉറപ്പാക്കുന്ന പദ്ധതിയാണ് സ്നേഹ സ്പന്ദനം പാലിയേറ്റീവ് കെയര്.