മൂവാറ്റുപുഴ: പേഴയ്ക്കാപ്പിള്ളി അറഫ കോളേജിലെ നാഷ്ണല്‍ സര്‍വ്വീസ് സ്‌കീമിന്റെ നേതൃത്വത്തില്‍ സ്‌കൂള്‍ തുറക്കുന്നതിന് മുന്നോടിയായി പായിപ്ര ഗവ.യുപി സ്‌കൂള്‍ സ്‌കൂളും പരിസരവും ശുചീകരിച്ചു. പഞ്ചായത്ത് പ്രസിഡന്റ് മാത്യൂസ് വര്‍ക്കി ശുചീകരണ പ്രവര്‍ത്തനങ്ങള്‍ ഉദ്ഘാടനം ചെയ്തു. കോളേജ് മാനേജര്‍ നസീര്‍ അലിയാര്‍ അധ്യക്ഷനായിരുന്നു.
വിദ്യാഭ്യാസ സ്റ്റാന്റിംഗ് കമ്മിറ്റി ചെയര്‍മാന്‍ എം സി വിനയന്‍, പഞ്ചായത്തംഗങ്ങളായ ജയശ്രീ ശ്രീധരന്‍ ,പി എച്ച് സക്കീര്‍ ഹുസൈന്‍, പിടിഎ പ്രസിഡന്റ് നസീമ സുനില്‍, വൈസ് പ്രസിഡന്റ് പി ഇ നൗഷാദ്, അറഫ സ്‌കൂള്‍ മാനേജര്‍ കെ കെ ഉമ്മര്‍, കോളേജ് പ്രിന്‍സിപ്പാള്‍ ശ്രീകല എസ്, കോളേജ് ജനറല്‍ സെക്രട്ടറി മൂസ മൂലയില്‍, എന്‍ എസ് എസ് പ്രോഗ്രാം ഓഫീസര്‍മാരായ വിനി മോഹനന്‍, ശരത് പി എസ്, അധ്യാപകരായ അനിത ഷിജു, സിയാദ് ഇബ്രാഹിം, സ്‌കൂള്‍ എച്ച് എം ഇന്‍ ചാര്‍ജ് നൗഫല്‍ കെ എം , സ്‌കൂള്‍ അധ്യാപകരായ സെലീന എ, മുഹ്‌സിന പി കെ , സഹദിയ കെ എം , അനീസ കെഎം, സന്ധ്യ പി ആര്‍ , പിടിഎ അംഗങ്ങളായ നവാസ് പി എം , സാജിദ് എ എം എന്നിവര്‍ സംസാരിച്ചു.
