കേരള ലോ അക്കാദമി ലോ കോളേജ് സ്ഥാപക ഡയറക്ടര് ഡോ. എന് നാരായണന് നായരുടെ നിര്യാണത്തില് മുഖ്യമന്ത്രി പിണറായി വിജയന് അനുശോചിച്ചു.
കേരളത്തിന്റെ നിയമ പഠന മേഖലയില് തന്റേതായ വ്യക്തിമുദ്ര പതിപ്പിച്ച അദ്ധ്യാപകനും നിയമ വിദഗ്ധനുമാണ് നാരായണന് നായര്. ജീവിതകാലം മുഴുവന് നിയമ പഠനത്തിന്റെ പുരോഗതിക്കും അത് കൂടുതല് ജനകീയമാക്കുന്നതിനും അദ്ദേഹം പ്രയത്നിച്ചു.
സാമൂഹിക പ്രശ്നങ്ങളില് നാരായണന് നായര് സജീവമായി ഇടപെട്ടിരുന്നു. അദ്ദേഹത്തിന്റെ വിയോഗം കേരളത്തിന്റെ നിയമ പഠന മേഖലക്ക് വലിയ നഷ്ടമാണ്. അടുത്ത സുഹൃത്തായ നാരായണന് നായരുടെ വിയോഗം വ്യക്തിപരമായ നഷ്ടം കൂടിയാണെന്ന് മുഖ്യമന്ത്രി പറഞ്ഞു.
തിരുവനന്തപുരം ലോ ആക്കാദമി ലോ കോളേജ് ഡയക്ടര് ആയിരുന്ന ഡോ എന് നാരായണന് നായരുടെ നിര്യാണം വിദ്യാഭ്യാസ രംഗത്തിന് അപരിഹാര്യമായ നഷ്ടം ആണെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞു.
