ന്യൂഡല്‍ഹി: സെല്‍ഫിയെടുത്തതിന്റെ പേരില്‍ ആരാധകന്റെ ഫോണ്‍ പിടിച്ചുവാങ്ങുകയും ശകാരിക്കുകയും ചെയ്ത ഗായകന്‍ കെ.ജെ യേശുദാസിനെ പൊങ്കാലയിട്ട് സോഷ്യല്‍ മീഡിയ.ഡല്‍ഹിയില്‍ ദേശീയ ചലച്ചിത്ര പുരസ്‌കാരം വാങ്ങാന്‍ ഹോട്ടലില്‍ നിന്ന് പുറപ്പെടുന്നതിനിടെയാണ് സംഭവം.തൊട്ടുപിന്നാലെ പുരസ്‌കാര ബഹിഷ്‌കരണ വിവാദത്തിലും പെട്ടതോടെ യേശുദാസിനെ വീണ്ടും പൊങ്കാലക്കാര്‍ പൊതിഞ്ഞു.
- ചില പൊങ്കാലകളിങ്ങനെ…
ദാസിനെ പോലുള്ളവരിലെ ഒറ്റുകാരനെ കാല്‍ നൂറ്റാണ്ട് മുമ്പ് തിരിച്ചറിഞ്ഞ മൂവാറ്റുപുഴക്കാര്‍ക്കായി കയ്യടിക്കണം…..
സ്റ്റീരിയോ ഹൗസിന്റെ അലിയാരിക്കയുടെ അടക്കം തിണ്ണകള്‍ നിരങ്ങിയ ഒരു കഷ്ട കാലമുണ്ടായിരുന്ന ടോ .. തനിക്കും.. കേക്കടോ മഹാ അ നു ഭാ വ…!
ആരാധകന്റെ സെല്‍ഫി പോലും അരോചകമെന്ന് തോന്നണ കിഴവ..! വ്യക്തിപരമായി പറയട്ടെ തിരുമാനമെന്തായാലും അതില്‍ നിക്കണം ഒറ്റുകാര…! ഇപ്പഴത്തെ ചാനലുകള്‍ സംഭാവന ചെയ്യുന്ന പ്രതിഭകള്‍ക്ക് മുന്നില്‍ എന്ത് പ്രതിഭയാന്നടോ ദാസ തനിക്കുള്ളത് ..
പാട്ടുകള്‍ പാടുമ്പോളും സദസ്സില്‍ ദൈവീകതുല്യ ഡയലോഗുകളുമല്ലടോ ദാ സാ, അവനവന്റെ പ്രവര്‍ത്തിയും സന്ധിയില്ലാ നിലപാടുകളുമാണ് ഒരു മനുഷ്യനെ നന്മയുള്ളവനാക്കുന്നത്. വെള്ള വസ്ത്രവും കാഷായ വേഷവും ധരിച്ചാല്‍ മാത്രം അവതാര പുരുഷനാകില്ല. കേട്ടോടൊ … ല്ലേ
ആരാധകന്‍ ഫോട്ടോ എടുക്കാന്‍ ശ്രമിക്കുമ്പോള്‍ കൈ തട്ടിമാറ്റുകയും പിന്നീട് ഇയാളെ വിളിച്ച് ഫോണ്‍ വാങ്ങി ഫോട്ടോ ഡീലീറ്റ് ചെയ്യുകയുമുണ്ടായി. പിന്നാലെ, മാധ്യമപ്രവര്‍ത്തകരോട് ഇതേപ്പറ്റി മിണ്ടരുതെന്നും അദ്ദേഹം ആംഗ്യം കാണിച്ചു.
യേശുദാസും ജയരാജും ഒപ്പിട്ട ബഹിഷ്‌കരണ കരാര്‍
പുരസ്‌കാര സമര്‍പ്പണ ചടങ്ങ് ബഹിഷ്‌കരിക്കുന്നതില്‍ നിന്ന് അവസാന നിമിഷം യേശുദാസ് പിന്മാറിയിരുന്നു. രാഷ്ട്രപതി കുറച്ചാളുകള്‍ക്കു മാത്രം സമ്മാനിക്കുകയും മറ്റുള്ളവര്‍ക്ക് കേന്ദ്രമന്ത്രിമാര്‍ നല്‍കുമെന്നും അറിയിച്ചതോടെയാണിത്. ഇതോടെ ഫഹദ് ഫാസില്‍, പാര്‍വ്വതി തുടങ്ങി 68 പേര്‍ ചടങ്ങ് ബഹിഷ്‌കരിച്ചിരുന്നു. അതിനിടെ, പ്രതിഷേധത്തില്‍ അവസാനം വരെയുണ്ടായിരുന്ന യേശുദാസും ജയരാജും പിന്മാറി ചടങ്ങില്‍ സംബന്ധിക്കുകയായിരുന്നു.
