തിരുവനന്തപുരം: സംസ്ഥാനത്ത് ലോക്സഭാ സ്ഥാനാര്ഥികളടക്കം പ്രമുഖ നേതാക്കള് രാവിലെ തന്നെ തങ്ങളുടെ വോട്ടു രേഖപ്പെടുത്തി. ചിയയിടങ്ങളില് മെഷിനുകള് പണിമുടക്കിയത് നേതാക്കളെയും ചുറ്റിച്ചു. രവിലെ ആറരയോടെ തന്നെ പല നേതാക്കളും ബൂത്തിലെത്തിത്തുടങ്ങിയിരുന്നു. രവിലെ ഏഴു മണി മുതലാണ് വോട്ടെടുപ്പ് തുടങ്ങിയത്.
മുഖ്യമന്ത്രി പിണറായി വിജയന് പിണറായിയിലെ സിആര്സി അമല സ്കൂളില് എത്തി വോട്ടു ചെയ്തു. മുസ്ളിം ലീഗ് സംസ്ഥാന അധ്യക്ഷന് പാണക്കാട് സാദിഖലി ശിഹാബ് തങ്ങള്, പ്രതിപക്ഷ നേതാവ് വി ഡി സതീശന് എന്നിവര് രാവിലെയെത്തി തങ്ങളുടെ സമ്മതിദാനവകാശം നിയോഗിച്ചു. ശിഹാബ് തങ്ങള് ബൂത്തിലെ ആദ്യ വോട്ടറായാണ് വോട്ട് ചെയ്തത്. പികെ കുഞ്ഞാസികുട്ടിയും ഇവിടെ വോട്ടുചെയ്തു. പറവൂര് കേസരി ബാലകൃഷ്ണ മെമ്മോറിയല് കോളേജില് 109-ാം ബൂത്തിലാണ് സതീശന് വോട്ടുരേഖപ്പെടുത്തിയത്. വടകര ലോകസ്ഭ മണ്ഡലം യുഡിഎഫ് സ്ഥാനാര്ഥി സ്വന്തം നാടായ പാലക്കാട്ടാണ് വോട്ടു ചെയ്തത്. എല്ഡിഎഫ് കണ്വീനര് ഇ പി ജയരാജനും വോട്ടുചെയ്യാനെത്തി.
കേരള കോണ്ഗ്രസ്സ് ചെയര്മാന് പിജെ ജോസഫ് പുറപ്പുഴ ഗവ. എല് പി സ്കൂളില് എത്തി വോട്ട് രേഖപെടുത്തി. ഇടുക്കിയിലെ യുഡിഎഫ് സ്ഥാനാര്ത്ഥി ഡീന് കുര്യാക്കോസ് രാവിലെ 7 മണിക്ക് ബൂത്ത് നമ്പര് 80, കുളപ്പുറം സെന്റ് ജോര്ജ്ജ് എല്.പി സ്കൂളില് വോട്ട് ചെയ്തു. എല്ഡിഎഫ് സ്ഥാനാര്ത്ഥി ജോയ്സ് ജോര്ജ് വാഴത്തോപ്പ് പഞ്ചായത്തില് മുളകുവള്ളി അങ്കണവാടിയിലെ 88-ാം നമ്പര് ബൂത്തില് വോട്ടുചെയ്തു.
കാസര്കോട് മണ്ഡലം യുഡിഎഫ് സ്ഥാനാര്ഥി രാജ്മോഹന് ഉണ്ണിത്താനും പത്തനംതിട്ട എല്ഡിഎഫ് സ്ഥാനാര്ത്ഥി തോമസ് ഐസക്കും അതിരാവിലെയെത്തി വോട്ടുരേഖപ്പെടുത്തി.
തൃശൂര് മുക്കാട്ടുക്കര സെന്റ്ജോര്ജ് എല്പി സ്കൂളിലെത്തി തൃശൂര് ബിജെപി സ്ഥാനാര്ത്ഥി സുരേഷ് ഗോപി വോട്ട് ചെയ്തു. 115ാം ബൂത്തില് വച്ചാണ് കുടുബാംഗങ്ങള്ക്കൊപ്പം എത്തി വോട്ട് രേഖപ്പെടുത്തിയത്. കോട്ടയത്തെ യുഡിഎഫ് സ്ഥാനാര്ത്ഥി ഫ്രാന്സിസ് ജോര്ജ് മൂവാറ്റുപുഴ ടൗണ് യുപി സ്കൂളിലെ 46 ആം നമ്പര് ബൂത്തില് ഒന്നാമനായി വോട്ട് രേഖപ്പെടുത്തി. കണ്ണൂരിലെ എല്ഡിഎഫ് സ്ഥാനാര്ഥി എം വി ജയരാജന് വോട്ട് ചെയ്തു. പെരളശ്ശേരി ജിഎച്ച്എസ് സ്കൂളിലാണ് വോട്ട് ചെയ്തത്.
ലത്തീന് അതിരൂപത ആര്ച്ച് ബിഷപ്പ് തോമസ് ജെ നെറ്റോ വലിയതുറയില് വോട്ട് രേഖപ്പെടുത്തി. വരാപ്പുഴ അതിരൂപത ആര്ച്ച്ബിഷപ്പ് ഡോ. ജോസഫ് കളത്തിപ്പറമ്പില് എറണാകുളം സെന്റ് മേരിസ് സ്കൂളില് വോട്ട് ചെയ്തു. മന്ത്രി വി അബ്ദുറഹ്മാന് വോട്ട് രേഖപ്പെടുത്തി. തിരൂര് പൊറൂര് വി എം എച്ച് എം സ്കൂളില് എത്തിയാണ് വോട്ട് രേപ്പെടുത്തിയത്. ആറ്റിങ്ങല് എന്ഡിഎ സ്ഥാനാര്ഥി വി മുരളീധരന് വോട്ട് രേഖപ്പെടുത്തി. ഉള്ളൂര് കൊട്ടാരം 163ാം നമ്പര് ബൂത്തിലെത്തിയാണ് വോട്ട് രേഖപ്പെടുത്തിയത്.
എറണാകുളം ജില്ലാ കളക്ടര് എന് എസ് കെ ഉമേഷ് എറണാകുളം എസ് ആര് വി സ്കൂളില് 91 ആം നമ്പര് ബൂത്തില് വോട്ട് രേഖപ്പെടുത്തി. മധുര സ്വദേശിയായ എന് എസ് കെ ഉമേഷ് ആദ്യമായാണ് കേരളത്തില് വോട്ട് ചെയ്യുന്നത്. സംസ്ഥാനത്തെ ബൂത്തുകളില് രാവിലെത്തന്നെ വോട്ടര്മാരുടെ നിര പ്രത്യക്ഷപ്പെട്ടിരുന്നു. ആലപ്പുഴ മണ്ഡലത്തിലെ തീരദേശങ്ങളിലടക്കം വോട്ടര്മാരുടെ വന് തിരക്കാണ്.