ആലപ്പുഴയില് നടന്ന ഇരട്ട കൊലപാതകത്തെ അപലപിച്ച് മുഖ്യമന്ത്രി പിണറായി വിജയന്. കൊലപാതക കേസ് പ്രതികളെ പിടികൂടാന് പൊലീസിന്റെ കര്ശന നടപടിയുണ്ടാകുമെന്നും മുഖ്യമന്ത്രി ഫേസ്ബുക്കില് കുറിച്ചു.
മനുഷ്യത്വഹീനവും സങ്കുചിതവുമായ ഇത്തരം അക്രമ പ്രവര്ത്തനങ്ങള് നാടിന് വിപത്കരമാണ്. കൊലയാളി സംഘങ്ങളെയും അവരുടെ വിദ്വേഷ സമീപനങ്ങളെയും തിരിച്ചറിഞ്ഞ് ഒറ്റപ്പെടുത്താന് എല്ലാ ജനങ്ങളും തയ്യാറാകണമെന്നും മുഖ്യമന്ത്രി പറഞ്ഞു.
മണിക്കൂറുകളുടെ വ്യത്യാസത്തിലാണ് ആലപ്പുഴയില് രണ്ടു കൊലപാതകങ്ങള് നടന്നത്. ആലപ്പുഴ മണ്ണഞ്ചേരിയില് എസ്.ഡി.പി.ഐ നേതാവ് കെ.എസ് ഷാനെ അഞ്ചംഗ സംഘം വെട്ടികൊലപ്പെടുത്തിയപ്പോള്, ഇന്ന് പുലര്ച്ചെയാണ് ബി.ജെ.പി നേതാവ് രഞ്ജിത്ത് ശ്രീനിവാസിനെ എട്ടോളം പേര് ചേര്ന്ന് വീട്ടില് കയറി കൊലപ്പെടുത്തിയത്. ജില്ലയില് രണ്ടു ദിവസത്തെ നിരോധനാജ്ഞ പ്രഖ്യാപിച്ചിരിക്കുകയാണ്.
