ചെന്നൈ: പ്രശസ്ത തമിഴ് സിനിമാ നിർമാതാവ് കെ.രാജൻ (85) നദിയിൽചാടി ജീവനൊടുക്കി. ചെന്നൈയിലെ അഡയാർ പാലത്തിൽ നിന്നും നദിയിലേക്ക് ചാടുകയായിരുന്നു. അഗ്നിരക്ഷാ സേനയെത്തിയാണ് മൃതദേഹം പുറത്തെടുത്തത്. മരണകാരണം വ്യക്തമല്ല, അന്വേഷണം പുരോഗമിക്കുകയാണ്. നടൻ പ്രഭുകാന്താണ് മകൻ.
1983ൽ ബ്രഹ്മചാരികൾ എന്ന ചിത്രത്തിലൂടെയാണ് രാജൻ തമിഴ് സിനിമയിൽ നിർമാതാവായി അരങ്ങേറ്റം കുറിച്ചത്. തുടർന്ന് ഗണേഷ് സിനി ആർട്സ് എന്ന ബാനറിലൂടെ നിരവധി ചിത്രങ്ങൾ നിർമിച്ചു. വർഷങ്ങളായി, ഡബിൾസ്, അവൾ പാവം , നിനൈകാത്ത നാളില്ലൈ തുടങ്ങിയവ അതിൽ ചിലതാണ്.
