പുതുപ്പള്ളി: മുന്മുഖ്യമന്ത്രി ഉമ്മന് ചാണ്ടി അന്തരിച്ചതിനെ തുടര്ന്ന് ഒഴിവുവന്ന പുതുപ്പള്ളി നിയമസഭാ മണ്ഡലത്തിലേക്കുള്ള ഉപതിരഞ്ഞെടുപ്പിന്റെ ഫലസൂചനകള് പുറത്തുവരുമ്പോള് യുഡിഎഫ് സ്ഥാനാര്ഥി ചാണ്ടി ഉമ്മന് 27000ലേറെ വോട്ടുകള്ക്ക് ലീഡ് ചെയ്യുന്നു. സ്ട്രോങ് റൂമുകളുടെ താക്കോലുകള് മാറിയതിനെ തുടര്ന്ന് വോട്ടെണ്ണല് 10 മിനിറ്റ് വൈകിയിരുന്നു. കോട്ടയം ബസേലിയസ് കോളജിലാണ് വോട്ടെണ്ണല്.പ്രതീക്ഷയേറെയുണ്ടായിരുന്ന അയര്ക്കുന്നവും , അലകലക്കുന്നും,മണര്കാട്,കുരോപ്പട തുടങ്ങിയ പഞ്ചായത്തുകളും ഇടത് സ്ഥാനാര്ത്ഥി ജെയ്ക്കിനെ കൈവിട്ടു എന്നതിന് ഏറ്റവും മഹത്തായ തെളിവാണ് ചാണ്ടി ഉമ്മന്റെ ലീഡ്.
7 സ്ഥാനാര്ഥികളാണ് മത്സരരംഗത്തുള്ളത്. 72.86% പേര് വോട്ട് ചെയ്തെന്ന് ഔദ്യോഗിക കണക്ക്. ഉമ്മന് ചാണ്ടി മുഖ്യചര്ച്ചാവിഷയമായ പുതുപ്പള്ളി ഉപതിരഞ്ഞെടുപ്പില് വികസനവും വിവാദങ്ങളും ഒപ്പം ഉയര്ന്നിരുന്നു. മുന്മുഖ്യമന്ത്രിയുടെ മരണത്തെത്തുടര്ന്ന് അദ്ദേഹത്തിന്റെ മകന് സ്ഥാനാര്ഥിയായി എന്ന അപൂര്വതയ്ക്കും പുതുപ്പള്ളി സാക്ഷ്യം വഹിച്ചു. ഉമ്മന് ചാണ്ടിയുടെ മകന് ചാണ്ടി ഉമ്മനാണ് യുഡിഎഫ് സ്ഥാനാര്ഥി. നിയമസഭയിലേക്കു ചാണ്ടി ഉമ്മന്റെ ആദ്യ മത്സരമാണ്.