മുവാറ്റുപുഴ :വേറിട്ട ഓണാഘോഷം നടത്തി മാതൃകയായി മുവാറ്റുപുഴ നഗരസഭയില് പതിനാലാം വാര്ഡ്. വാര്ഡിലെ മുഴുവന് ജനങ്ങളെയും പങ്കെടുപ്പിച്ച് ‘പതിനാലാം വാര്ഡിന് നല്ലോണം വേണം’ എന്ന പേരില് ഓണാഘോഷവും പൊതുവേദിയും സംഘടിപ്പിച്ചു. വാര്ഡിലെ പ്രശ്നങ്ങള് പൊതുജനങ്ങള്ക്ക് അധികാരികളുടെ മുന്നിലെത്തിക്കാനുള്ള അവസരമായാണ് ഇത്തരത്തില് ഓണാഘോഷത്തിന് ഒരു പൊതു വേദി ഒരുക്കിയത്.
വാര്ഡിലെ കുടുംബശ്രീകളും ബാലസഭയും വാര്ഡിലെ പ്രവര്ത്തകരും വാര്ഡ് സഭയും സംയുക്തമായാണ് പൊതുവേദിക്ക് നേതൃത്വം നല്കിയത്. ഡീന് കുര്യാക്കോസ് എംപി ഉദ്ഘാടന കര്മ്മം നിര്വഹിച്ചു. ഡോ. മാത്യു കുഴല്നാടന് എം എല് എ മുഖ്യാതിഥി ആയി. നഗരസഭാ ചെയര്മാന് പിപി എല്ദോസ് ഓണസന്ദേശം നല്കി. വാര്ഡ് കൗണ്സിലര് ജോയ്സ് മേരി ആന്റണി അധ്യക്ഷത വഹിച്ചു. യോഗത്തെ തുടര്ന്ന് സദ്യയും വ്യത്യസ്തങ്ങളായ മത്സരങ്ങളും കലാപരിപാടികളും നടത്തി.
തുടര്ന്ന് പതിനാലാം വാര്ഡിന് നല്ലോണം വേണം എന്ന പേര് അന്യര്ത്ഥമാക്കികൊണ്ടു ഓണാഘോഷം നടത്തിയതിനൊപ്പം വാര്ഡിലെ ജനങ്ങളുടെ ആവിശ്യങ്ങള് എംപി, എംഎല്എ, ചെയര്മാന് എന്നിവരുടെ മുന്പില് വാര്ഡ് കൗണ്സിലര് ജോയ്സ് അവതരിപ്പിച്ചു. ആവശ്യങ്ങള് നടപ്പിലാക്കുകന്നതിന് ആവശ്യമായ നടപടികള് സ്വീകരിയ്ക്കുമെന്ന് അവര് പൊതു സമക്ഷത്തില് ഉറപ്പു നല്കുകയും ചെയ്തു.
പ്രൈവറ്റ് ബസ് സ്റ്റാന്ഡിന്റെ പരിതാപ അവസ്ഥ പരിഹരിയ്ക്കപ്പെടണമെന്നതും മുന്സിപ്പല് പാര്ക്കിനോട് ചേര്ന്ന് കിടക്കുന്ന സ്ഥലത്തു പുതിയ ഒരു പ്രോജക്ട് വരണമെന്നതും വാര്ഡില് നിലകൊള്ളുന്ന പ്രൈവറ്റ് ബസ് സ്റ്റാന്ഡിലും മുന്സിപ്പല് പാര്ക്കിലുമുള്ള ലഹരിയുടെ ഉപയോഗവും സാമൂഹ്യ വിരുദ്ധരുടെ കടന്നു കയറ്റവും അവസാനിപ്പിയ്ക്കുവാനുള്ള നടപടികള് സ്വീകരിയ്ക്കണമെന്നും പൊതുജനങ്ങള്ക്കു വേണ്ടി കൗണ്സിലര് ആവിശ്യപ്പെട്ടു.
സാഹോദര്യത്തിന്റെ ഓണം ആഘോഷിച്ചതിനൊപ്പം വാര്ഡിന് നല്ല നേട്ടം നേടിയെടുക്കാനും ഈ ആഘോഷം ഇടവരുത്തി. സ്റ്റാന്റിംഗ് കമ്മിറ്റി ചെയര്മാന്മാരായ പിവിഎം അബ്ദുള്സലാം, ജോസ് കുര്യാക്കോസ്, കൗണ്സിലര്മാരായ അമല് ബാബു, ബിന്ദു ജയന്, സെബി കെ സണ്ണി, സിഡിഎസ് മെമ്പര് സബൂറാ ബീവി, എഡിഎസ് ചെയര്പേഴ്സണ് മഞ്ജു കോണ്ഗ്രസ് വാര്ഡ് പ്രസിഡന്റ് ചെറിയാന് മാതേക്കല്, തുടങ്ങിയവര് പ്രസംഗിച്ചു.