മൂവാറ്റുപുഴ: മതസ്പര്‍ദ്ദ വളര്‍ത്തി ജനങ്ങളെ തമ്മിലടിപ്പിയ്ക്കാന്‍ ശ്രമിക്കുന്ന മൂവാറ്റുപുഴ നഗരസഭാ യുഡിഎഫ് ഭരണ സമിതിയുടെ അപകടകരമായ നിലപാടിന് എതിരെ സിപിഐഎം മൂവാറ്റുപുഴ ഏരിയാ കമ്മിറ്റിയുടെ നേതൃത്വത്തില്‍ മൂവാറ്റുപുഴ നഗരസഭാ ഓഫീസിന് മുന്നിലേയ്ക്ക് ജനജാഗ്രതാ മാര്‍ച്ച് സംഘടിപ്പിച്ചു.
എസ്‌തോസ് ഭവന് മുന്നില്‍ നിന്ന് തുടങ്ങിയ മാര്‍ച്ച് നഗരം ചുറ്റി നഗരസഭ ഓഫീസിന് മുന്നില്‍ സമാപിച്ചു. തുടര്‍ന്ന് നടത്തിയ ധര്‍ണ്ണ സിപിഐ എംഏരിയ സെക്രട്ടറി കെപി രാമചന്ദ്രന്‍ ഉദ്ഘാടനം ചെയ്തു. ഏരിയ കമ്മിറ്റി അംഗം എംഎ സഹീര്‍ അധ്യക്ഷനായി. ഏരിയ കമ്മിറ്റി അംഗം കെ എന്‍ ജയപ്രകാശ് സ്വാഗതവും നഗരസഭ കൗണ്‍സിലര്‍ ആര്‍ രാകേഷ് നന്ദിയും പറഞ്ഞു.
മാര്‍ച്ചിന് ഏരിയ കമ്മിറ്റി അംഗങ്ങളായ സികെ സോമന്‍, എംആര്‍ പ്രഭാകരന്‍, സജിജോര്‍ജ്, മുനിസിപ്പല്‍ സൗത്ത് ലോക്കല്‍ സെക്രട്ടറി പിഎം ഇബ്രാഹിം, നഗരസഭ കൗണ്‍സിലര്‍ കെജി അനില്‍ കുമാര്‍ തുടങ്ങിയര്‍ നേതൃത്വം നല്‍കി.
