കുഞ്ഞിന്റെ ഡയപ്പര് കത്തിക്കാനായി ഗ്യാസ് അടുപ്പില് നിന്ന് പേപ്പറില് തീ എടുക്കുന്നതിനിടെ പൊള്ളലേറ്റ യുവതി മരിച്ചു. കോട്ടയം ളാക്കാട്ടൂര് ആനക്കല്ലുങ്കലില് ജോമോള് സെബാസ്റ്റ്യന് (26) ആണ് മരിച്ചത്. ഗ്യാസ് അടുപ്പില് നിന്ന് പേപ്പറിലേക്ക് തീ കൊളുത്തുന്നതിനിടെ ജോമോളുടെ നൈറ്റിക്ക് തീപിടിക്കുകയായിരുന്നു.
ചൊവ്വാഴ്ച ഉച്ചയോടെയായിരുന്നു അപകടം. ഗുരുതരമായി പൊള്ളലേറ്റ ജോമോളെ മെഡിക്കല് കോളജ് ആശുപത്രിയില് ചികിത്സയില് കഴിയുമ്പോഴാണ് മരണം സംഭവിക്കുന്നത്. ഭര്ത്താവ് എബിസണ്. ഇവാനിയ മകളാണ്. സംസ്കാരം ഇന്ന് വൈകിട്ട് മൂന്നിന് പങ്ങട തിരുഹൃദയ ദേവാലയ സെമിത്തേരിയില്.
