യുഎഇ കോണ്സുലേറ്റ് സ്വര്ണത്തട്ടിപ്പ് കേസില് മുഖ്യ പ്രതിയായിരിക്കുന്ന സ്വപ്ന സുരേഷിനെ കേരള സര്ക്കാര് ഐടി വകുപ്പ് ജോലിയില് നിന്ന് പിരിച്ചുവിട്ടു. സ്വര്ണ്ണക്കടത്ത് ആരോപണം മൂലമാണ് നടപടി എന്ന് ഐടി വകുപ്പ് അറിയിച്ചു. കെ എസ് ഐ ടി എല് നു കീഴില് സ്പേസ് പാര്ക്കിന്റെ മാര്ക്കറ്റിംഗ് ലൈസന് ഓഫീസര് ആയിരുന്നു സ്വപ്ന. താല്ക്കാലിക നിയമനം ആയിരുന്നു ഇവരുടേത് എന്നും ഐ ടി വകുപ്പ് അറിയിച്ചു. യുഎഇ കോണ്സുലേറ്റിന്റെ ഡിപ്ലോ മാറ്റിക് കാര്ഗോ ഉപയോഗിച്ച് 15 കോടി രൂപയുടെ സ്വര്ണം കടത്തിയ കേസിലാണ് സ്വപ്നയ്ക്കെ തിരെ അന്വേഷണം നടക്കുന്നത്. കഴിഞ്ഞ മാസം 30ന് തിരുവനന്തപുരം വിമാനത്താവളത്തി ലെത്തിയ കാര്ഗോയിലാണ് സ്വര്ണം കണ്ടെത്തിയത്. സ്വപ്ന നേരത്തെ യുഎഇ കോണ് സുലേറ്റ് ഉദ്യോഗസ്ഥയായിരുന്നു. തട്ടിപ്പിനെ തുടര്ന്ന് ഇവര് ഒളിവില് പോയിരിക്കുകയാണ്. പോലീസ സ്വപ്നയ്ക്കായി തെരച്ചില് തുടരുകയാണ്.
കേസില് അറസ്റ്റിലായ യുഎഇ കോണ്സുലേറ്റ് മുന് പിആര്ഒ സരിത്തും സ്വപ്നയും തിരുവനന്ത പുരത്തെ കോണ്സുലേറ്റുമായി ബന്ധപ്പെട്ട് പ്രവര്ത്തിച്ചിരുന്നു. ഇവിടെ ജോലി ചെയ്യുമ്പോള് തന്നെ ഇരുവരും ഡിപ്ളോമിക് ചാനല് വഴി സ്വര്ണം കടത്തിയിരുന്നുവെന്ന് കസ്റ്റംസ് കണ്ടെ ത്തിയിട്ടുണ്ട്. സ്വര്ണ്ണം ആര്ക്കാണ് കടത്തിയതെന്ന് കൂടുതല് അന്വേഷണത്തില് നിന്ന് വ്യക്തമാകും.
