കൈക്കൂലി വാങ്ങുന്നതിനിടെ പിടിയിലായ എം ജി യൂണിവേഴ്സിറ്റി ഉദ്യോഗസ്ഥയെ ഇന്ന് കോടതിയില് ഹാജരാക്കും. തിരുവനന്തപുരം വിജിലന്സ് കോടതിയിലാണ് സി ജെ എല്സിയെ ഹാജരാക്കുക. സിജെ എല്സിയുടെ ബാങ്ക് ഇടപാടുകളും ഓഫീസും പരിശോധിക്കും.
ഇന്നലെയാണ് എം ജി സര്വകലാശാലയില് കൈക്കൂലി വാങ്ങുന്നതിനിടെ ജീവനക്കാരി സി ജെ എല്സി പിടിയിലായത്. കോട്ടയം അതിരമ്പുഴ യൂണിവേഴ്സിറ്റി കാമ്പസിലെ സെക്ഷന് അസിസ്റ്റന്റ് ആണ് സി ജെ എല്സി. മാര്ക്ക് ലിസ്റ്റ്, പ്രൊവിഷണല് സര്ട്ടിഫിക്കറ്റ് എന്നിവ നല്കാന് ആവശ്യപ്പെട്ടത് ഒന്നരലക്ഷം രൂപയാണ്.
സര്വകലാശാല ഓഫീസില് വച്ച് കൈക്കൂലി വാങ്ങുന്നതിനിടെയാണ് സിജെയെ വിജിലന്സ് അറസ്റ്റ് ചെയ്തത്. മാര്ക്ക് ലിസ്റ്റും സര്ട്ടിഫിക്കറ്റും ലഭിക്കുന്നതിനായി അപേക്ഷിച്ച പത്തനംതിട്ട സ്വദേശിയായ എംബിഎ വിദ്യാര്ത്ഥിയില് നിന്ന് സെക്ഷന് അസിസ്റ്റന്റ് കൈക്കൂലി ആവശ്യപ്പെടുകയായിരുന്നു.
ഒന്നര ലക്ഷം രൂപയാണ് കൈക്കൂലിയായി ആവശ്യപ്പെട്ടത്. തുടര്ന്ന് വിദ്യാര്ത്ഥിയില് നിന്ന് ബാങ്ക് വഴി ഒന്നേകാല് ലക്ഷം രൂപ കൈപ്പറ്റി. ബാക്കി തുകയില് 15000 രൂപ സര്വകലാശാല ഓഫീസില് വച്ച് കൈപ്പറ്റിയപ്പോള് ആണ് അറസ്റ്റ് രേഖപ്പെടുത്തിയത്.