മുംബൈ: മാട്രിമോണിയല് സൈറ്റുകളില് വ്യാജ പ്രൊഫൈലുണ്ടാക്കി പെണ്കുട്ടികളുമായി ബന്ധം സ്ഥാപിച്ച് പീഡിപ്പിച്ചിരുന്നയാൾ പിടിയിൽ. എഞ്ചിനീയര് ആയ കരണ് ഗുപ്ത എന്ന മഹേഷ് ആണ് മുംബൈ പൊലീസിന്റെ പിടിയിലായത്. കഴിഞ്ഞ നാല് മാസമായി പൊലീസ് ഇയാള്ക്ക് വേണ്ടി വ്യാപക അന്വേഷണം നടത്തുകയായിരുന്നു.
ഇയാള് ഇത്തരത്തില് 12 ഓളം യുവതികളെയെങ്കിലും കബളിപ്പിച്ച് പീഡിപ്പിച്ചിട്ടുണ്ടെന്നാണ് പൊലീസ് കണ്ടെത്തൽ ഉയർന്ന വിദ്യാഭ്യാസവും ജോലിയുമുളള യുവതികളെയാണ് ഇയാൾ ഇത്തരത്തിൽ കബിളിപ്പിച്ചത് എന്നാണ് പോലീസിന്റെ കണ്ടെത്തൽ.
മാട്രിമോണിയല് വെബ്സൈറ്റിലൂടെ യുവതികളുമായി അടുപ്പത്തിലാകുന്ന ഇയാൾ പിന്നീട് ഇവരുടെ ഫോണ് നമ്പർ വാങ്ങുകയും ഇവരെ പബ്ബുകളിലോ റസ്റ്റോറന്റുകളിലോ മാളുകളിലോ വച്ച് കണ്ടുമുട്ടിയ ശേഷം പിന്നീട് പീഡിപ്പിക്കുകയായിരുന്നു. ഓരോ പെൺകുട്ടികളുമായി ബെന്ധപെടാൻ വ്യത്യസ്ത ഫോണ് നമ്പർ ആണ് ഇയാൾ ഉപയോഗിച്ചിരുന്നത്. ഇയാളെക്കുറിച്ച് കൂടുതല് പരാതികള് ലഭിക്കാന് സാദ്ധ്യതയുണ്ടെന്നും ഇയാൾ മികച്ച ഒരു ഹാക്കറാണെന്നും ഇയാളെ കോടതിയില് ഹാജരാക്കിയതായും പൊലീസ് പറഞ്ഞു.