കോഴിക്കോട്: കോഴിക്കോട് ഫറോക്കില് ടൂറിസ്റ്റ് ബസ് മറിഞ്ഞ് യുവാവ് മരിച്ചു. കൊല്ലം സ്വദേശി അമല് (28) ആണ് മരിച്ചത്. 18 പേര്ക്ക് പരിക്കേറ്റു. തിരുവനന്തപുരത്തുനിന്ന് ഉടുപ്പിയിലേക്കുപോയ കോഹിനൂര് എന്നപേരില് സര്വീസ് നടത്തുന്ന ബസ് ഫറോക്ക് മണ്ണൂര് വളവില് ശനിയാഴ്ച പുലര്ച്ചെ 2.30-ഓടെയാണ് അപകടത്തില്പ്പെട്ടത്. പരിക്കേറ്റവരില് രണ്ടുപേരുടെ നില ഗുരുതരമാണ്. ഇവരെ കോഴിക്കോട് മെഡിക്കല് കോളേജ് ആശുപത്രിയിലേക്ക് മാറ്റി.
