കോഴിക്കോട് കലോത്സവ വേദിയില് ക്ഷീണിച്ചെത്തുന്നവര്ക്ക് കേരള പൊലീസിന്റെ വക ചുക്ക് കാപ്പി. തികച്ചും സൗജന്യമായിട്ടാണ് ചുക്കു കാപ്പിയുടെ വിതരണം. ക്രമസമാധാന പരിപാലനം മാത്രമല്ല, തിരക്കേറിയ കലോത്സവ വേദികളില് കേരളത്തിന്റെ പരമ്പരാഗത ‘ചുക്കുക്കാപ്പി’ ഓരോ ദിവസവും, പൊലീസ് ഉദ്യോഗസ്ഥര് അവരുടെ വീടുകളില് നിന്നുള്ള ചേരുവകള് ഉപയോഗിച്ച് നിര്മ്മിച്ച കാപ്പി കുറഞ്ഞത് 4,500 ഗ്ലാസ് എങ്കിലും വിളമ്പുന്നു.
ഇത് പബ്ലിസിറ്റിക്ക് വേണ്ടിയുള്ള കാഷ്വല് കോഫിയല്ല. 15 ഓര്ഗാനിക് ചേരുവകള് ഉപയോഗിച്ചാണ് ഞങ്ങള് ഇത് തയ്യാറാക്കുന്നത്. കാപ്പിപ്പൊടിയും ശര്ക്കരയും മാത്രമാണ് പുറത്തുനിന്ന് വാങ്ങുന്നതെന്ന് കേരള പൊലീസ് അസോസിയേഷന് ഭാരവാഹിയായ വി.പി.പവിത്രന് പറഞ്ഞു. ഇതിനുള്ള ചെലവ് കേരള പൊലീസ് അസോസിയേഷനും കേരള പൊലീസ് ഓഫീസേഴ്സ് അസോസിയേഷനും തുല്യമായി പങ്കിട്ടുവെന്നും അദ്ദേഹം കൂട്ടിച്ചേര്ത്തു.
സ്പെഷ്യല് കോഫി തയ്യാറാക്കുന്നതിനായി സജ്ജീകരിച്ചിട്ടുള്ള കൗണ്ടറില് പ്രതിദിനം 15 പൊലീസുകാരെങ്കിലും ജോലി ചെയ്യുന്നുണ്ട്. അവധിയെടുക്കുന്ന ഉദ്യോഗസ്ഥര് സന്നദ്ധ സേവനമായാണ് സംഘത്തോടൊപ്പം ചേരുന്നത്.