കോട്ടയം: കോട്ടയം ജില്ലയിലെ യു.ഡി.എഫിന്റെ ചെയര്‍മാനായി ഇ.ജെ. ആഗസ്തിയെ തിരഞ്ഞെടുത്തു. മുന്‍പ് 25 വര്‍ഷം യു.ഡി.എഫ്. ചെയര്‍മാനായിരുന്നു ആഗസ്തി. കേരളാ കോണ്‍ഗ്രസ് ചെയര്‍മാന്‍ പി.ജെ. ജോസഫ് ആഗസ്തിയുടെ പേര് നിര്‍ദേശിച്ചു. ജില്ലാ യു.ഡി എഫ്. നേതൃയോഗം പേര് അംഗീകരിച്ചു.
സജി മഞ്ഞക്കടമ്പില്‍ രാജിവെച്ചതിനേത്തുടര്‍ന്നാണ് പുതിയ യു.ഡി.എഫ് ചെയര്‍മാനെ തിരഞ്ഞെടുക്കേണ്ട സാഹചര്യമുണ്ടായത്. സജി മഞ്ഞക്കടമ്പിലിനെ അനുനയിപ്പിക്കാന്‍ പി.ജെ. ജോസഫ് ഉള്‍പ്പെടെ പലരും ശ്രമംനടത്തിയെങ്കിലും അദ്ദേഹം വഴങ്ങിയിരുന്നില്ല. തുടര്‍ന്നാണ് ഇ.ജെ. ആഗസ്തിയെ താത്കാലിക ചെയര്‍മാനായി തിരഞ്ഞെടുത്തത്.
