തിരുവനന്തപുരം: പ്രതിപക്ഷ പ്രതിഷേധത്തെ തുടര്ന്ന് സഭാ സമ്മേളനം വെട്ടിച്ചുരുക്കി. സഭ പിരിഞ്ഞു. ഈ മാസം മുപ്പത് വരെ നടക്കേണ്ടിയിരുന്ന സഭാ സമ്മേളനമാണ് വെട്ടിച്ചുരുക്കാന് തീരുമാനമായത്. മുഖ്യമന്ത്രിയാണ് സഭയില് പ്രമേയം അവതരിപ്പിച്ചത്. നടപടികള് പൂര്ത്തിയാക്കി പതിനൊന്ന് മണിയോടെ സഭ പിരിഞ്ഞു.
നടപടികള് അതിവേഗത്തില് പൂര്ത്തിയാക്കാന് സ്പീക്കര് എ എന് ഷംസീര് നിര്ദേശം നല്കി. ഇന്നലെ ചേര്ന്ന കാര്യോപദേശക സമിതി യോഗത്തില് സഭ വെട്ടിച്ചുരുക്കേണ്ടതില്ല എന്ന നിലപാടായിരുന്നു സ്വീകരിച്ചത്. എന്നാല് പ്രതിപക്ഷം ഇന്ന് സഭയ്ക്കകത്ത് അനിശ്ചിതകാല സത്യാഗ്രഹം ഉള്പ്പടെ ആരംഭിച്ച സാഹചര്യത്തിലാണ് തീരുമാനം. ബജറ്റ് സംബന്ധിച്ച പ്രധാന ബില്ലുകളായ ധനവിനിയോഗ ബില് ഉള്പ്പടെ പാസായി.