പോപ്പുലര് ഫ്രണ്ട് നിരോധനത്തില് പ്രതികരിച്ച് സിപിഐഎം സംസ്ഥാന നേതൃത്വം. പാര്ട്ടി നിലപാട് കേന്ദ്ര കമ്മറ്റി പ്രഖ്യാപിക്കുമെന്ന് സംസ്ഥാന സെക്രട്ടറി എംവി ഗോവിന്ദന് പറഞ്ഞു. നിരോധനം കൊണ്ട് കാര്യമില്ലെന്ന മുന് നിലപാടില് ഉറച്ച് നില്ക്കുന്നു. വര്ഗീയതക്കെതിരെയാണെങ്കില് ഒരു സംഘടനയെ മാത്രം നിരോധിച്ചത് കൊണ്ട് കാര്യമില്ലെന്നും അദ്ദേഹം വ്യക്തമാക്കി.
അതിനിടെ പോപ്പുലര് ഫ്രണ്ടിനെ നിരോധിച്ചതിനെ വിമര്ശിച്ച് എസ്ഡിപിഐ രംഗത്തുവന്നു. പോപുലര് ഫ്രണ്ടിനും അനുബന്ധ സംഘടനകള്ക്കും കേന്ദ്ര സര്ക്കാര് ഏര്പ്പെടുത്തിയ നിരോധനം ഇന്ത്യന് ജനാധിപത്യത്തിനും ജനങ്ങള്ക്ക് ഭരണഘടന നല്കുന്ന അവകാശങ്ങള്ക്കും നേരെയുള്ള വെല്ലുവിളിയാണെന്ന് എസ്ഡിപിഐ ദേശീയ പ്രസിഡന്റ് എംകെ ഫൈസി വ്യക്തമാക്കി. ഭരണഘടന നല്കുന്ന അഭിപ്രായ, സംഘടന സ്വാതന്ത്ര്യവും സമരം ചെയ്യാനുള്ള സ്വാതന്ത്ര്യവും ഇല്ലാതാക്കുന്നുവെന്നും എസ്ഡിപിഐ ആരോപിച്ചു.
അതേസമയം പോപ്പുലര് ഫ്രണ്ടിനേയും എട്ട് അനുബന്ധ സംഘടനകളേയും നിരോധിച്ചതോടെ ഓഫീസുകള് സീല് ചെയ്യാന് നടപടി തുടങ്ങി സംസ്ഥാന പൊലീസ്. കേന്ദ്രസര്ക്കാരിന്റെ ഉത്തരവ് സംസ്ഥാന പൊലീസിന് ലഭിച്ചു. പിഎഫ്ഐ അക്കൗണ്ടുകള് മരവിപ്പിക്കും.
