ഇടുക്കി: തിരഞ്ഞെടുപ്പ് ഡ്യൂട്ട് പോകാനൊരുങ്ങവെ പൊലീസുകാരന്റെ കൈയില്‍ ഇരുന്ന തോക്കില്‍ നിന്ന് അബദ്ധത്തില്‍ വെട്ടിയുതിര്‍ത്തു. അനാസ്ഥയില്‍ പൊലീസുകാരനെ സസ്‌പെന്‍ഡ് ചെയ്തു. കാഞ്ഞാര്‍ പൊലീസ് സ്റ്റേഷനിലെ പൊലിസുകാരന്‍ തൊടുപുഴ സ്വദേശി ഇ എച്ച് ഫൈസലിനെയാണ് ജില്ലാ പൊലീസ് മേധാവി സസ്‌പെന്‍ഡ് ചെയ്തത്. വ്യാഴാഴ്ച്ചയായിരുന്നു സംഭവം നടന്നത്.
തറയിലേക്കാണ് വെടിയുതിര്‍ത്തത് എന്നതിനാല്‍ വലിയ അപകടമാണ് ഒഴിവായത്. സ്റ്റേഷനില്‍ എത്തി അന്വേഷണം നടത്തിയ തൊടുപുഴ ഡിവൈഎസ്പിയുടെ റിപ്പോര്‍ട്ടിന്റെ അടിസ്ഥാനത്തിലാണ് ജില്ലാ മേധാവി സസ്‌പെഷന്‍ നടപടി സ്വീകരിച്ചത്.
