സിനിമാ നടനല്ല സംസ്ഥാന അധ്യക്ഷന്റെ ജോലി ചെയ്യേണ്ടതെന്നും ബി.ജെ.പി പ്രസിഡന്റാകാനില്ലെന്നും നടനും എം.പിയുമായ സുരേഷ് ഗോപി. രാഷ്ട്രീയത്തില് കാല്വച്ച് വളര്ന്നവരാണ് വരേണ്ടതെന്നും വി. മുരളീധരനോ കെ. സുരേന്ദ്രനോ പറഞ്ഞാലും പാര്ട്ടിയുടെ തലവനാകാന് ഇല്ലെന്നും അദ്ദേഹം പറഞ്ഞു. പ്രധാനമന്ത്രി നരേന്ദ്ര മോദിയും ആഭ്യന്തര മന്ത്രി അമിത് ഷായും അതു പറയില്ലെന്നും പ്രസിഡന്റ് രാഷ്ട്രീയക്കാര് തന്നെ ആകണമെന്നും അദ്ദേഹം തുറന്നു പറഞ്ഞു. അധ്യക്ഷന് ആകേണ്ടത് സിനിമാക്കാരല്ല രാഷ്ട്രീയക്കാരാണെന്നും സുരേഷ് ഗോപി പറഞ്ഞു.
പാലാ ബിഷപിന്റെ പ്രസ്താവനയില് മുഖ്യമന്ത്രി പറഞ്ഞത് ശരിയായി കാര്യങ്ങള് മനസിലാക്കാതെയാകാമെന്ന് സുരേഷ് ഗോപി പറഞ്ഞു. പാലാ ബിഷപ് ഒരു സമുദായത്തെയും മോശമായി പറഞ്ഞിട്ടില്ല. ആ സമുദായത്തിലെ നല്ലവരായ ആളുകള്ക്ക് വിഷമവും ഇല്ല. ഒരു സമുദായത്തിനും അലോസരമുണ്ടാക്കരുതെന്നാണ് തന്റെ നിലപാട്. പക്ഷേ അതിനു വേണ്ടി ഒരു സാമൂഹ്യ വിപത്തിനെ കണ്ടില്ലെന്നു നടിക്കരുതെന്നും സുരേഷ് ഗോപി പറഞ്ഞു.
കേന്ദ്രം സഭാ അധ്യക്ഷന്മാരുടെ യോഗം വിളിക്കുമെന്നും അവരുടെ ആകുലതകള് ചര്ച്ച ചെയ്യുമെന്നും അദ്ദേഹം വ്യക്തമാക്കി. യോഗം നേരത്തേ തീരുമാനിച്ചതാണെങ്കിലും ഇപ്പോഴത്തെ സാഹചര്യത്തില് അതിന് വേഗം കൂടുമെന്നും അദ്ദേഹം അറിയിച്ചു.
പാലാ ബിഷപ്പ് ഒരു സമുദായത്തെയും വിമര്ശിച്ചിട്ടില്ലെന്നും ആ സമുദായത്തിലെ നല്ലവരായ ആളുകള്ക്ക് വിഷമമില്ലെന്നും സുരേഷ് ഗോപി പറഞ്ഞു.