ലോകസഭ തെരഞ്ഞെടുപ്പ് അടുത്തിരിക്കേ ബി.ജെ.പി ദേശിയ നിര്വാഹക സമിതിയില് നേതാക്കള്ക്കും അണികള്ക്കും നിര്ദേശവുമായി പ്രധാനമന്ത്രി നരേന്ദ്ര മോദി. തെരഞ്ഞെടുപ്പ് പരിഗണനകളില്ലാതെ സമൂഹത്തിന്റെ എല്ലാ തുറകളിലും എത്തിച്ചേരണമെന്ന് നേതാക്കളോട് മോദി ആവശ്യപ്പെട്ടു. ബൊഹ്റ, പസ്മന്ത, സിഖ് തുടങ്ങിയ ന്യൂനപക്ഷങ്ങള് ഉള്പ്പെടെ സമൂഹത്തിന്റെ എല്ലാ തുറകളിലേക്കും നേതാക്കള് എത്തിച്ചേരണമെന്നും യോഗത്തില് നിര്ദേശം നല്കി.
18നും 25-നുമിടയില് പ്രായമുള്ള യുവാക്കളില് ബി.ജെ.പി.യെപ്പറ്റി അവബോധമുണ്ടാക്കാനുള്ള ശ്രമങ്ങള് നടത്തണമെന്നും മോദി നിര്ദേശിച്ചു. മുന് സര്ക്കാരുകളുടെ കാലത്തുണ്ടായിരുന്ന അഴിമതികളെക്കുറിച്ചോ തെറ്റായ പ്രവര്ത്തനങ്ങളെക്കുറിച്ചോ അവര് ബോധവാന്മാരല്ല. അതുകൊണ്ട് ബി.ജെ.പി.യെക്കുറിച്ചുള്ള അവബോധം അവരില് സൃഷ്ടിക്കണമെന്നും മോദി പറഞ്ഞു. പ്രചാരണത്തിന് മോദി വന്നാല് ബി.ജെപി ജയിക്കുമെന്ന വിധത്തിലുള്ള അമിത ആത്മവിശ്വാസം പാടില്ലെന്ന് പ്രധാനമന്ത്രി പറഞ്ഞു.
രണ്ട് ദിവസമായി ഡല്ഹിയില് ചേര്ന്ന ദേശിയ നിര്വാഹക സമതിയില് കേന്ദ്ര മന്ത്രിമാര്, വിവിധ സംസ്ഥാനങ്ങളിലെ മുഖ്യമന്ത്രിമാര് ഉള്പ്പെടെയുള്ള 350 മുതിര്ന്ന നേതാക്കളോടായിരുന്നു മോദിയുടെ നിര്ദേശങ്ങള്.
വിവിധ സംസ്ഥാനങ്ങളില് നടക്കാനിരിക്കുന്ന നിയമസഭാ തെരഞ്ഞെടുപ്പുകള് സംബന്ധിച്ചായിരുന്നു നിര്വാഹക സമിതി യോഗത്തിന്റെ പ്രധാന അജണ്ട. പ്രതിപക്ഷ പാര്ട്ടികളെ ലക്ഷ്യംവെച്ചുള്ള ഒന്പതിന പ്രമേയങ്ങളും യോഗത്തില് ചര്ച്ചയായി.