മൂവാറ്റുപുഴ ലയണ്‍സ് ക്ലബ്ബ് സുവര്‍ണ്ണ ജൂബിലി ആഘോഷങ്ങളുടെ ഭാഗമായി ലയണ്‍സ് പാര്‍പ്പിടം പദ്ധതിയില്‍ ഉള്‍പ്പെടുത്തി നിര്‍ധനരായ 12 കുടുംബങ്ങള്‍ക്കാണ് വീട് നിര്‍മ്മിച്ചു നല്‍കുന്നത്. രണ്ട് കുടുംബങ്ങള്‍ക്ക് വീട് നിര്‍മ്മിക്കുവാനുള്ള ഭൂമിയും പദ്ധതിയുടെ ഭാഗമായി ലയണ്‍സ് ക്ലബ്ബ് നല്‍കും . ഒരുകോടി രൂപയോളം ചെലവഴിച്ച് 600 സ്‌ക്വയര്‍ ഫീറ്റ് ഏരിയയിലാണ് വീടുകള്‍ നിര്‍മ്മിക്കുന്നത്. ആറു വീടുകളുടെ നിര്‍മ്മാണമാണ് ഇപ്പോള്‍ പൂര്‍ത്തിയായിരിക്കുന്നത്. 6 വീടുകളുടെ നിര്‍മാണം ഏപ്രില്‍ മാസത്തോടെ പൂര്‍ത്തിയാവും.
വീടുകളുടെ താക്കോല്‍ദാനം ലയണ്‍സ് ഡിസ്ട്രിക്ട് ഗവര്‍ണര്‍ ഡോക്ടര്‍ ബീന രവികുമാര്‍ നിര്‍വഹിച്ചു. മൂവാറ്റുപുഴ ലയണ്‍സ് ക്ലബ് പ്രസിഡന്റ് എ ആര്‍ ബാലചന്ദ്രന്‍ അധ്യക്ഷത വഹിച്ചു. ഡോക്ടര്‍ ബിനോയ് മത്തായി, പീറ്റര്‍ സെബാസ്റ്റ്യന്‍, ജയേഷ് വിഎസ്, ജോര്‍ജ് സാജു, സിജോ ജേക്കബ്, ജോസ് വര്‍ക്കി കാക്കനാട്, ജോം ജോസ് , എന്‍ എം വര്‍ഗീസ്, പി ജി സുനില്‍കുമാര്‍, രാജേഷ് മാത്യു, ജഗന്‍ ജെയിംസ്, വി.പി. സുരേഷ് തുടങ്ങിയവര്‍ പ്രസംഗിച്ചു.
