നടി കങ്കണ റനൗട്ടിന്റെ ഓഫിസ് പൊളിച്ച നടപടിയില്‍ ശിവസേന ഭരിക്കുന്ന മുംബൈ കോര്പ്പറേഷന് തിരിച്ചടി. ബിഎംസിയുടേത് പ്രതികാര നടപടിയെന്ന് നിരീക്ഷിച്ച കോടതി തുടര്‍നടപടികള്‍ റദാക്കി. പൊളിച്ചുമാറ്റിയ ഭാഗത്തിന്റെ നഷ്ടപരിഹാരം തിട്ടപ്പെടുത്താന്‍ ഉദ്യോഗസ്ഥനെ നിയമിച്ചു. നഷ്ടപരിഹാരം തിട്ടപ്പെടുത്തി മാര്‍ച്ചിനകം റിപ്പോര്‍ട്ട് സമര്‍പ്പിക്കണം. തുടര്‍ന്ന് ബിഎംസി നഷ്ടപരിഹാരം നല്‍കണം. എന്നാല്‍ നടിയുടെ പ്രകോപനപരമായ പ്രസ്താവനകളെയും കോടതി വിമര്‍ശിച്ചു.
ശിവസേനയ്‌ക്കെതിരെയും മുംബൈയ്‌ക്കെതിരായുമുള്ള നടിയുടെ വിവാദ പ്രസ്താവനകളാണ് പ്രതികാരനടപടിക്ക് കാരണമെന്ന് കണ്ടെത്തിയ കോടതി സ്വയം നിയന്ത്രിക്കണമെന്ന് കങ്കണയോടെ ആവശ്യപ്പെട്ടു. എങ്കിലും ഉത്തരവാദിത്തമില്ലാതെ പൗരന്‍ അഭിപ്രായപ്രകടനങ്ങളോട് ഭരണകൂടം ഈ രീതിയില്‍ പ്രതികരിക്കരുതെന്നും കോടതി ചൂണ്ടിക്കാട്ടി.
ജനാധിപത്യത്തിന്റെ വിജയമെന്നായിരുന്നു കോടതി ഉത്തരവിനെപ്പറ്റി കങ്കണ പ്രതികരിച്ചത്. നടന്‍ സുശാന്ത് സിങ് രാജപുത്തിന്റെ ആത്മഹത്യ പിന്നാലെയുണ്ടായ സംഭവങ്ങളാണ് ശിവസേനകങ്കണ തര്‍ക്കത്തിലേക്ക് വഴിവച്ചത്. ബിജെപിയുടെ പിന്തുണയോടെ നടി നടത്തിയ പരാമര്‍ശങ്ങള്‍ക്ക് പിന്നാലെയാണ് കങ്കണയുടെ മുംബൈയിലെ ഓഫീസില്‍ ക്രമക്കേടുണ്ടെന്ന് കാണിച്ച് കോര്പ്പറേഷന് നോട്ടീസ് നല്‍കി അടിയന്തരമായി പൊളിച്ചത്.
