തിരുവനന്തപുരം: കേരള സര്‍വകലാശാല സെനറ്റ് തര്‍ക്കത്തില്‍ ഉന്നതവിദ്യാഭ്യാസമന്ത്രി ആര്‍.ബിന്ദുവിനെതിരേ ക്രിമിനല്‍ പരാമര്‍ശവുമായി ഗവര്‍ണര്‍ ആരിഫ് മുഹമ്മദ് ഖാന്‍.
ക്രിമിനലുകളോട് മറുപടി പറയാന്‍ താന്‍ ഇല്ല എന്നായിരുന്നു ഗവര്‍ണറുടെ പ്രതികരണം.
മന്ത്രിക്ക് സെനറ്റ് യോഗത്തില്‍ പങ്കെടുക്കാന്‍ അധികാരമില്ല. ചട്ടലംഘനത്തെ നിയമപരമായി നേരിടുമെന്നും ഗവര്‍ണര്‍ പറഞ്ഞു.കേരള സര്‍വകലാശാല സെനറ്റ് യോഗത്തില്‍ താന്‍ അധ്യക്ഷത വഹിച്ച സംഭവത്തില്‍ പരാതി ഉണ്ടെങ്കില്‍ ഗവര്‍ണര്‍ക്ക് കോടതിയെ സമീപിക്കാമെന്ന ആര്‍.ബിന്ദുവിന്‍റെ
പരാമര്‍ശത്തോട് പ്രതികരിക്കുകയായിരുന്നു ഗവര്‍ണര്‍.
നിയമവിരുദ്ധമായി താന്‍ ഒന്നും ചെയ്തിട്ടില്ല. നിയമം പരിശോധിച്ചാല്‍ അധികാരമുണ്ടോ എന്ന കാര്യം ഗവര്‍ണര്‍ക്കു വ്യക്തമാകുമെന്നും മന്ത്രി പറഞ്ഞിരുന്നു.
അതേസമയം മന്ത്രി സെനറ്റില്‍ അധ്യക്ഷത വഹിച്ചത് നിയമപ്രകാരമാണെന്ന് വ്യക്തമാക്കി കേരള സര്‍വകലാശാല സിന്‍ഡിക്കേറ്റ് അംഗങ്ങളും രംഗത്തെത്തിയിട്ടുണ്ട്. ചാന്‍സിലറുടെ അഭാവത്തില്‍ പ്രോ ചാന്‍സിലര്‍ക്ക് അധ്യക്ഷത വഹിക്കാം. സര്‍വകലാശാല നിയമങ്ങളെ വെല്ലുവിളിക്കുന്നത് ഗവര്‍ണറാണെന്നും അംഗങ്ങള്‍ പറഞ്ഞു.
