മൂവാറ്റുപുഴ: സമസ്ത മേഖലകളിലും കയ്യൊപ്പ് ചാര്‍ത്തിയ സഹകരണ മേഖല ശക്തമായ ചൂടില്‍ നിന്നും ജനങ്ങളെ സഹായിക്കാന്‍ തണ്ണീര്‍പന്തലുകള്‍ ആരംഭിക്കണമെന്ന് സര്‍ക്കാര്‍ നിര്‍ദ്ദേശത്തിന്റെ ഭാഗമായി മൂവാറ്റുപുഴ കാര്‍ഷിക സഹകരണ ബാങ്ക് തണ്ണീര്‍ പന്തല്‍ ആരംഭിച്ചു. ജനങ്ങള്‍ക്ക് കുടിക്കുവാന്‍ ശുദ്ധജലവും കഴിക്കുവാന്‍ തണ്ണിമത്തന്‍ അടക്കമുള്ള പഴവര്‍ഗങ്ങളും നല്‍കുന്ന തണ്ണീര്‍ പന്തലിന്റെ ഉദ്ഘാടനം സിപിഎം ഏരിയ സെക്രട്ടറിയും ബാങ്ക് ഡയറക്ടര്‍ ബോര്‍ഡ് അംഗവുമായ കെ പി രാമചന്ദ്രന്‍ നിര്‍വ്വഹിച്ചു. ബാങ്ക് പ്രസിഡണ്ട് കെ എന്‍ മോഹനന്‍ അധ്യക്ഷത വഹിച്ചു. വൈസ് പ്രസിഡണ്ട് മറിയം ബീവി നാസര്‍, സെക്രട്ടറി എന്‍ എം കിഷോര്‍, ആര്‍ രാജീവ് എന്നിവര്‍ സംസാരിച്ചു. ബാങ്ക് ജീവനക്കാരും സഹകാരികളും പങ്കെടുത്തു
