മുവാറ്റുപുഴ നഗരസഭയുടെ വികസന മുരടിപ്പിനും, ഭരണ സ്തംഭനത്തിനും, മതസ്പര്‍ദ്ധ വളര്‍ത്തുന്ന മുനിസിപ്പല്‍ ഭരണകര്‍ത്താക്കളുടെ നയങ്ങള്‍ക്കെതിരെയും മുന്‍സിപ്പല്‍ മുറികള്‍ക്കും ഹാളുകള്‍ക്കും പിഡബ്ല്യൂഡി റെയിറ്റിലിലേക്ക് മാറ്റാനുള്ള കൗണ്‍സിലിന്റെ ഏകപക്ഷീയ തീരുമാനത്തിനെതിരെയും സി.പി.ഐ മുവാറ്റുപുഴ ലോക്കല്‍ കമ്മിറ്റിയുടെ നേതൃത്വത്തില്‍ പ്രതിഷേധ മാര്‍ച്ചും, ജനാധിപത്യ സദസ്സും മുനിസിപ്പല്‍ ഓഫീസിന് മുന്നില്‍ സംഘടിപ്പിച്ചു.
പ്രതിഷേധ മാര്‍ച്ചിന് ലോക്കല്‍ കമ്മിറ്റി അംഗങ്ങളായ ഇബ്രാഹിം കരീം, അസീസ് തെങ്ങുംതോട്ടം, സി.എന്‍. ഷാനവാസ്, പ്രദീപ്, ആരിഫ് യൂസഫ്, വിപിന്‍ തട്ടായത്ത്,കൗണ്‍സിലര്‍മാരായ ഫൗസിയ അലി, മീര കൃഷ്ണന്‍ എന്നിവര്‍ നേതൃത്വം നല്‍കി. ജനാധിപത്യ സദസ്സ് സി.പി.ഐ മണ്ഡലം സെക്രട്ടറി ജോളി പൊട്ടക്കല്‍ ഉദ്ഘാടനം ചെയ്തു.
സി.പി.ഐ മുവാറ്റുപുഴ ലോക്കല്‍ സെക്രട്ടറി കെ.പി. അലിക്കുഞ്ഞ് അധ്യക്ഷത വഹിച്ച യോഗത്തിന് കെ.ബി ‘ബിനീഷ് കുമാര്‍ സ്വാഗതം പറഞ്ഞു. ജില്ലാ കമ്മിറ്റി അംഗം പി.കെ ബാബുരാജ്, മണ്ഡലം കമ്മിറ്റി അംഗങ്ങളായ പോള്‍ പൂമറ്റം, പി.ബി ശ്രീരാജ്, പി.വി ജോയ്, ഷാജി അലിയാര്‍, എം.വി സുബാഷ്, മുനിസിപ്പല്‍ കൗണ്‍സിലര്‍ പി.വി രാധാകൃഷ്ണന്‍, ജോര്‍ജ്ജ് വെട്ടിക്കുഴി എന്നിവര്‍ സംസാരിച്ചു.
