കേരള തീരത്ത് അറബിക്കടലില് മണിക്കൂറില് 40 മുതല് 50 കി മി വരെ വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുള്ളതിനാല് അടുത്ത 5 ദിവസത്തേക്ക് കേരള തീരത്ത് മല്സ്യ ബന്ധനത്തിന് പോകാന് പാടുള്ളതല്ലെന്ന് കേന്ദ്ര കാലാവസ്ഥ വകുപ്പ് അറിയിച്ചു. ആയതിനാല് കേരള തീരത്ത് നിന്ന് അടുത്ത 5 ദിവസത്തേക്ക് മല്സ്യ ബന്ധനത്തിന് പോകാന് പാടുള്ളതല്ല. കര്ണാടക, കേരള, ലക്ഷദ്വീപ്, അതിനോട് ചേര്ന്നുള്ള തെക്ക്-കിഴക്കന് അറബിക്കടല് മേഖലകളില് മണിക്കൂറില് 40 മുതല് 50 കീ മി വരെ വേഗതയില് ശക്തമായ കാറ്റിനും മോശം കാലാവസ്ഥക്കും സാധ്യതയുണ്ട്. കാറ്റിന് പുറമേ കാസര്ഗോഡ് വരെയുള്ള കേരള തീരത്ത് 2.5 മുതല് 3.8 മീറ്റര് വരെ ഉയരത്തില് തിരമാലക്കും സാധ്യതയുണ്ടെന്ന് ദേശീയ സമുദ്ര സ്ഥിതി പഠന കേന്ദ്രം അറിയിച്ചിട്ടുണ്ട്. തീരദേശ വാസികള് ജാഗ്രത പാലിക്കണമെന്നും മല്സ്യബന്ധന ഉപകരണങ്ങളുടെ സുരക്ഷ ഉറപ്പാക്കണമെന്നും അധികൃതര് അറിയിച്ചു.
