മുണ്ടക്കൈ-ചൂരല് മല ഉരുള്പ്പൊട്ടലിന് ശേഷവും വയനാട് തുരങ്ക പാതയുമായി സര്ക്കാര് മുന്നോട്ട്. രണ്ട് പാക്കേജുകളിലായാണ് ടെൻഡർ പ്രവൃത്തികൾ വാഗ്ദാനം ചെയ്തത്. പാലവും അപ്രോച്ച് റോഡും ഒന്നാമത്തെ പാക്കേജിലും ടണല്പാത നിര്മ്മാണം രണ്ടാമത്തെ പാക്കേജിലും ആണ് ഉള്പ്പെടുത്തിയിട്ടുള്ളത്. സിപിഐയുടെ എതിര്പ്പ് കൂടി മറികടന്നാണ് സര്ക്കാര് തീരുമാനം.
ഉരുൾപൊട്ടലിൻ്റെ പശ്ചാത്തലത്തിൽ വയനാട്ടിലെ തുരങ്കപാതയെക്കുറിച്ച് രണ്ടുതവണ ആലോചിക്കണമെന്നും ശാസ്ത്രീയമായ പഠനം ആവശ്യമാണെന്നും സിപിഐ സംസ്ഥാന സെക്രട്ടറി ബിനോയ് വിശ്വത്തിന് അഭിപ്രായമുണ്ട്. ഒന്നാം പാക്കേജിന്റെ ഫിനാന്ഷ്യല് ബിഡ് തുറന്നത് ജൂലൈ 8 നാണ്. രണ്ടാം പാക്കേജിന്റെ ഫിനാന്ഷ്യല് ബിഡ് തുറന്നത് മുണ്ടക്കൈ ചൂരല്മല ഉരുള്പൊട്ടലിനു ശേഷം, സെപ്റ്റംബര് മാസം നാലിനാണ്.
