കോട്ടയം: യുഡിഎഫ് തരംഗം ആഞ്ഞടിച്ച നിയമസഭാ തെരഞ്ഞെടുപ്പിൽ ചാണ്ടി ഉമ്മന് റെക്കോഡ് ഭൂരിപക്ഷം. 52,907 വോട്ടുകളുടെ ഭൂരിപക്ഷമാണ് ചാണ്ടി ഉമ്മൻ ഇത്തവണ നേടിയത്. ഉമ്മൻ ചാണ്ടി 2011ൽ നേടിയ 33,255 വോട്ടിന്റെ ഭൂരിപക്ഷത്തെയാണ് മകൻ മറികടന്നത്.
ഫ്ലക്സും ബാനറും പോസ്റ്ററും ഒഴിവാക്കിയായിരുന്നു ഇത്തവണ പുതുപ്പളളിയില് ചാണ്ടി ഉമ്മന്റെ പ്രചാരണം. ചുവരെഴുത്ത് മാത്രമാണ് ഉണ്ടായിരുന്നത്. പ്രചാരണത്തിനായി മാറ്റിവച്ച തുക വീടില്ലാത്തവര്ക്ക് വീട് നിര്മിച്ചു നല്കാന് ഉപയോഗിക്കാനാണ് തീരുമാനം. മണ്ഡല പര്യടനത്തിന്റെ ഭാഗമായി സൈക്കിളില് യാത്ര ചെയ്തായിരുന്നു ചാണ്ടിയുടെ പ്രചാരണം. മണ്ഡലത്തില് പ്രചാരണത്തിനെത്തിയ രാഹുല് ഗാന്ധിയുമൊത്ത് ചാണ്ടി ഉമ്മന് സൈക്കിള് റാലി സംഘടിപ്പിച്ചിരുന്നു.
