ഹോമിയോ പ്രതിരോധമരുന്ന് കഴിച്ചവരില് കുറച്ച് പേര് മാത്രമേ വൈറസ് ബാധിതരായിട്ടുള്ളു എന്നും കൂടാതെ രോഗബാധിതരായവര്ക്ക് രോഗം വളരെ വേഗം ഭേദപ്പെട്ടെന്നും ആരോഗ്യമന്ത്രി കെ.കെ. ശൈലജ. എന്നാല് ഐസിഎംആര് മാര്ഗനിര്ദേശങ്ങള് ഉള്ളതിനാല് സംസ്ഥാനത്ത് ഹോമിയോ മരുന്ന് കൊവിഡ് പ്രതിരോധത്തന് ഉപയോഗിക്കാന് കഴിയില്ലെന്നും മന്ത്രി പറഞ്ഞു. മന്ത്രിയുടെ ഈ പ്രസ്താവനയാണ് വിവാദത്തിലായിരിക്കുന്നത്. മന്ത്രിയെ അനുകൂലിച്ച് ഹോമിയോ മെഡിക്കല് അസോസിയേഷനും അശാസ്ത്രീയമായ കാര്യങ്ങള് പ്രചരിപ്പിക്കരുതെന്ന വിമര്ശനവുമായി ഐഎംഎയും രംഗത്ത്.
ഹോമിയോ മരുന്ന് കഴിച്ചാല് പ്രതിരോധ ശേഷി ലഭിക്കുമെന്ന് ഹോമിയോ മെഡിക്കല് അസോസിയേഷന് പറഞ്ഞു. ഹോമിയോ മരുന്നിലൂടെ പ്രതിരോധ ശേഷി ലഭിക്കുമെന്ന് തെളിഞ്ഞിട്ടുണ്ടെന്നാണ് അസോസിയേഷന് അവകാശപ്പെടുന്നത്. മറ്റ് ചികിത്സാ വിഭാഗങ്ങളോടുള്ള അസഹിഷ്ണുതയാണ് അലോപ്പതി ഡോക്ടര്മാര്ക്കെന്ന് ഹോമിയോ ഡോക്റും സംവിധായകനുമായ ഡോ. ബിജു പറഞ്ഞു. അതേസമയം ഡോ. ബിജുവിന്റെ പഠനത്തെ അധികരിച്ച് കൊണ്ട് ആരോഗ്യ മന്ത്രി നടത്തിയ ഹോമിയോ അനുകൂല പ്രസ്താവനയ്ക്ക് എതിരെ ഐഎംഎ രൂക്ഷ വിമര്ശം നടത്തി.
മന്ത്രി അശാസ്ത്രീയമായ കാര്യങ്ങള് പ്രചരിപ്പിക്കരുതെന്നും ആരോഗ്യപ്രവര്ത്തകരെ അവഹേളിക്കരുതെന്നും ഐഎംഎ ആവശ്യപ്പെട്ടു.
