തിരുവനന്തപുരം: ഉന്നത പോലിസ് ഉദ്യോഗസ്ഥരുടെ പേരിൽ പൊലിസിനെയും നാട്ടുകാരെയും ഭീക്ഷണിപ്പെടുത്തി വന്ന അച്ചു എന്ന അശ്വതി ഒടുവിൽ അഴിക്കുള്ളിലായി . വിവാഹ വാഗ്ദാനം നല്‍കി പണം തട്ടിയതിനാണ് വിവിധ കേസുകളില്‍ പ്രതിയായ അശ്വതി അച്ചുവിനെ . അറസ്റ്റ് ചെയ്തത്. പൂവാര്‍ സ്വദേശിയായ 68 കാരനില്‍ നിന്നാണ് പണം തട്ടിയത്. പലപ്പോഴായി നാല്‍പ്പതിനായിരത്തിലധികം രൂപ തട്ടിയെന്നാണ് പൊലീസില്‍ നല്‍കിയ പരാതിയില്‍ പറയുന്നത്.
തുടര്‍ന്ന് പൊലീസ് അശ്വതി അച്ചുവിനെ വിളിച്ചുവരുത്തി ചോദ്യം ചെയ്തിരുന്നു. എന്നാല്‍ താന്‍ കടമായിട്ടാണ് പരാതിക്കാരനില്‍ നിന്നും പണം വാങ്ങിയതെന്നും തിരിച്ചു നല്‍കാന്‍ തയ്യാറെന്നുമാണ് അശ്വതി പൊലീസിനെ അറിയിച്ചത്. എന്നാല്‍ പറഞ്ഞ കാലാവധി കഴിഞ്ഞിട്ടും പണം നല്‍കാതായതോടെ പൊലീസ് അശ്വതി അച്ചുവിനെ അറസ്റ്റ് ചെയ്യുകയായിരുന്നു. നേരത്തെ അശ്വതിക്കെതിരെ പരാതികള്‍ ഉണ്ടായിരുന്നെങ്കിലും ആദ്യമായാണ് അറസ്റ്റ് രേഖപ്പെടുത്തുന്നത്.
