കൊല്ലത്ത് ഭര്തൃവീട്ടില് യുവതി തൂങ്ങിമരിച്ച നിലയില്. കുമ്മിള് മണ്ണൂര്വിളാകത്ത് വീട്ടില് ജന്നത്ത് (19) ആണ് മരിച്ചത്. അഞ്ചുമാസം മുമ്പായിരുന്നു ജന്നത്തിന്റെ വിവാഹം. ഭര്ത്താവ് റാസിഫ് വിദേശത്താണ്. ഇന്നലെ രാത്രി രണ്ടുമണിയോടെയാണ് സംഭവം നടന്നത്.
കിടപ്പുമുറിയിലാണ് മൃതദേഹം കണ്ടെത്തിയത്. രാത്രി രണ്ട് മണിയോടെ റാസിഫ് ജന്നത്തിനെ ഫോണില് വിളിച്ചെങ്കിലും കിട്ടിയില്ല. തുടര്ന്ന് വീട്ടുകാരെ വിളിച്ചറിയിച്ചു. പലതവണ വിളിച്ചിട്ടും ഫോണെടുക്കാത്തതോടെ വീട്ടുകാര് അടുത്തുള്ള ബന്ധുക്കളെയും വിവരമറിയിച്ചു.
ബന്ധുക്കളെത്തി ജനല് ചില്ലുകള് പൊട്ടിച്ചപ്പോഴാണ് ജന്നത്തിനെ തൂങ്ങിമരിച്ച നിലയില് കാണുന്നത്. തുടര്ന്ന് കടയ്ക്കല് പൊലീസിനെ വിവരമറിയിച്ചു. പൊലീസ് സ്ഥലത്തെത്തി തുടര് നടപടികള് സ്വീകരിച്ചു. ജന്നത്തിന്റെ ഫോണ് വിവരങ്ങളും പരിശോധിച്ചു വരികയാണ്. രണ്ട് മാസം മുന്പാണ് റാസിഫ് വിദേശത്തേക്ക് പോയത്.
