കൊച്ചി ചേരാനെല്ലൂരില് അഞ്ചുതരം ലഹരി മരുന്നുമായി ഗര്ഭിണിയടക്കം മൂന്നുപേര് പിടിയില്. ചികിത്സയ്ക്കെന്ന വ്യാജേന ആശുപത്രിക്ക് സമീപത്തെ ഹോട്ടലില് മുറിയെടുത്തായിരുന്നു സംഘത്തിന്റെ ലഹരിയിടപാടുകള്. സംശയത്തെ തുടര്ന്ന് ചേരാനല്ലൂര് പൊലീസ് നടത്തിയ പരിശോധനയിലാണ് ലഹരിമാഫിയ സംഘം കുടുങ്ങിയത്.
ആലുവ എടത്തല സ്വദേശികളായ സനൂപ്, നൗഫല് മുണ്ടക്കയം സ്വദേശിനി അപര്ണ എന്നിവരാണ് അറസ്റ്റിലായത്. ഇവരില് നിന്ന് കണ്ടെടുത്തത് 7.8ഗ്രാം എംഡിഎംഎ, രണ്ടര ഗ്രാം ഹഷീഷ്, 48 ഗ്രാം കഞ്ചാവ്, 6 എല്എസ്ഡി സ്റ്റാംപ്, 4 നൈട്രോസെപാം ഗുളികകള്. രണ്ടാഴ്ച മുന്പ് ഇടപ്പള്ളിയിലെ ഹോട്ടലില് സംഘം മുറിയെടുത്തു.
ഗര്ഭിണിയായ യുവതിക്ക് ചികിത്സ തേടാന് വേണ്ടിയാണ് മുറിയെടുക്കുന്നതായിരുന്നു ഹോട്ടല് ഉടമയെ അറിയിച്ചത്. ഡിസിപിയുടെ നിര്ദേശമനുസരിച്ച് കൊച്ചി സിറ്റിയിലെ ഹോട്ടലുകളിലും ഓയോ റൂമുകളിലും നടത്തിയ പരിശോധനയിലാണ് ഇവരെ പിടികൂടിയത്. രണ്ടാഴ്ചയായി ഇടപ്പള്ളി ആശുപത്രിക്ക് സമീപത്തെ ഹോട്ടലിലാണ് ഇവര് മുറിയെടുത്തത്.
ഇന്നലെ പരിശോധനയില് സംശയം തോന്നിയ ചേരാനെല്ലൂര് എസ്ഐ ഇന്ന് വീണ്ടും നടത്തിയ പരിശോധനയിലാണ് മൂന്ന് പേരും പിടിയിലായത്. നൗഫല് യൂബര് ടാക്സി ഡ്രൈവറാണ്. ഇവര് ലഹരി വസ്തുക്കള് ഉപയോഗിക്കുന്നവരാണെന്നും പൊലീസ് പറഞ്ഞു. ആശുപത്രിയ്ക്ക് സമീപത്തെ ഹോട്ടലില് പരിശോധനയുണ്ടാകില്ലെന്നതിന്റെ അടിസ്ഥാനത്തിലാണ് ഇവര് ഇവിടെ മുറിയെടുത്തുതെന്നും പര്ണയ്ക്കും സനൂപിനും എതിരെ നേരത്തെയും കേസുകള് ഉള്ളതായി പൊലീസ് പറഞ്ഞു.
