കോഴിക്കോട് ബാലുശേരിയിലെ ആള്ക്കൂട്ട മര്ദനത്തില് അഞ്ച് പേര് പൊലീസ് കസ്റ്റഡിയില്. തിരുവോട് സ്വദേശികളായ മുഹമ്മദ്സാലി, മുഹമ്മദ് ഇജാസ് തുടങ്ങിയവരെയാണ് ബാലുശ്ശേരി പൊലീസ് കസ്റ്റഡിയിലെടുത്തത് 29 പേര്ക്കെതിരെയാണ് ജാമ്യമില്ലാ വകുപ്പ് പ്രകാരം കേസെടുത്തിരിക്കുന്നത്. കസ്റ്റഡിയില് എടുത്തവരുടെ അറസ്റ്റ് ഇന്ന് രേഖപ്പെടുത്തും. ബുധനാഴ്ച രാത്രിയാണ് ഡിവൈഐഐ യൂണിറ്റ് സെക്രട്ടറി ജിഷ്ണുരാജിന് മര്ദനമേറ്റത്. മറ്റുള്ളവര്ക്കായി അന്വേഷണം ഊര്ജിതമാക്കിയെന്ന് പൊലീസ് അറിയിച്ചു.
എസ്ഡിപിഐയുടെ പോസ്റ്റര് നശിപ്പിച്ചെന്ന പേരിലാണ് ബാലുശ്ശേരിയില് കഴിഞ്ഞ ദിവസം ഡിവൈഎഫ്ഐ പ്രവര്ത്തകനായ യുവാവിനെ ആള്ക്കൂട്ടം ക്രൂരമായി മര്ദിച്ചത്. സംഭവത്തില് 29 പേര്ക്കെതിരെ ജാമ്യമില്ലാ വകുപ്പ് ചുമത്തി പൊലീസ് കേസെടുത്തിട്ടുണ്ട്. രാഷ്ടീയ വിരോധമാണ് ജിഷ്ണുവിന് നേരെയുണ്ടായ ആക്രമണത്തിന് കാരണമെന്നാണ് പൊലീസിന്റെ എഫ്ഐആറില് പറയുന്നത്. ജിഷ്ണുവിനെ ജാതിപ്പേര് പറഞ്ഞ് അധിക്ഷേപിച്ചുവെന്നും വെള്ളത്തില് മുക്കികൊല്ലാന് ശ്രമിച്ചുവെന്നും എഫ്ഐആറിലുണ്ട്.
30 പേര് വരുന്ന സംഘം വളഞ്ഞിട്ട് ആക്രമിക്കുകയായിരുന്നുവെന്ന് ബാലുശേരിയില് ആള്ക്കൂട്ട ആക്രമണത്തിന് ഇരയായ ഡിവൈഎഫ്ഐ പ്രവര്ത്തകന് ജിഷ്ണു വെളിപ്പെടുത്തിയിരുന്നു. പോസ്റ്റര് കീറുന്ന ആളാണെന്ന് ആരോപിച്ചായിരുന്നു മര്ദനമുണ്ടായതെന്നും സംഘത്തിലെ പലരും പ്രദേശവാസികളാണെന്നും ജിഷ്ണു പറഞ്ഞു. ലീഗ് എസ്ഡിപിഐ സംഘമാണ് ആക്രമിച്ചത്. എസ്ഡിപിഐയുടെ ഫ്ളക്സ് ബോര്ഡ് കീറിയെന്നാരോപിച്ചായിരുന്നു ആക്രമണമെന്നും ജിഷ്ണു ട്വന്റിഫോറിനോട് പറഞ്ഞു.
തന്നെ കുറെ കാലമായി എസ്ഡിപിഐ മുസ്ലിം ലീഗ് സംഘം തെരഞ്ഞ് വച്ചതായിരുന്നു. ഇന്നലെ 30 പേര് അടങ്ങുന്ന സംഘം തന്നെ ഒറ്റക്ക് കിട്ടിയപ്പോള് ക്രൂരമായി മര്ദിക്കുകയായിരുന്നു. വെള്ളത്തില് പിടിച്ച് മുക്കി. തൊട്ടടുത്ത് ഒരു തോടുണ്ടായിരുന്നു അതിലാണ് മുക്കിയത്. ഒടുവില് കഴുത്തില് വടിവാള് വച്ച് ഭീഷണപ്പെടുത്തി എടുത്ത വിഡിയോ ആണ് ഇപ്പോള് അവര് പ്രചരിപ്പിക്കുന്നതെന്നും ജിഷ്ണു പറഞ്ഞു.
