ആഡംബര കപ്പലിലെ മയക്കു മരുന്ന് പാര്‍ട്ടി കേസില്‍ ബോളിവുഡ് നടന്‍ ഷാരൂഖ് ഖാന്റെ മകനായ ആര്യന്‍ ഖാന്റെ കുരുക്ക് മുറുകുന്നു. ആര്യന്‍ ഖാന് സ്ഥിരമായി മയക്കുമരുന്ന് ഉപയോഗിക്കുന്ന ആളാണെന്ന് നാര്‍ക്കോട്ടിക്‌സ് കണ്‍ട്രോള്‍ ബ്യൂറോ കോടതിയെ അറിയിച്ചു. കഴിഞ്ഞ ഏതാനും വര്‍ഷങ്ങളായി ആര്യന്‍ ഖാന് മയക്കുമരുന്ന് ഉപയോഗിക്കുന്നുണ്ടെന്നും അതിനൊക്കെ തെളിവുകള്‍ ഉണ്ടെന്നും എന്‍സിബി മുംബൈ സെഷന്‍സ് കോടതിയെ അറിയിച്ചു. ജാമ്യത്തിനായുള്ള ആര്യന്‍ ഖാന്റെ വാദം പരിഗണിക്കുന്നതിനിടെയാണ് എന്‍സിബിയുടെ ഇത്തരത്തില്‍ വാദമുഖം ഉന്നയിച്ചത്.
‘ആര്യന്‍ ഖാന് വര്‍ഷങ്ങളായി മയക്കുമരുന്ന് ഉപയോഗിക്കുന്നുണ്ട്. ഒരു തവണയല്ല ഇത്. ആര്യന്റെ സുഹൃത്ത് അര്‍ബാസ് മെര്‍ച്ചന്റിന്റെ പക്കല്‍ നിന്ന് മയക്കുമരുന്ന് കണ്ടെടുത്തപ്പോള്‍ ആര്യന്‍ അയാള്‍ക്കൊപ്പം ഉണ്ടായിരുന്നു.”- എന്‍സിബി കോടതിയെ അറിയിച്ചു.
കഴിഞ്ഞ ദിവസങ്ങളില്‍ ആര്യന്റെ ഡ്രൈവറെയും, നിര്‍മാതാവ് ഇമ്തിയാസ് ഖാത്രിയെയും ചോദ്യം ചെയ്തതില്‍ നിന്നും ആര്യാനെതിരെ നിര്‍ണായക വിവരങ്ങള്‍ ലഭിചെന്നാണ് എന്‍സിബി വൃത്തങ്ങള്‍ നല്‍കുന്ന സൂചന. തന്നെ തെറ്റായി ഉള്‍പ്പെടുത്തിയതെന്ന് ജാമ്യപേക്ഷയില്‍ ആര്യന്‍ ഖാന് ഉന്നയിക്കുന്ന വാദം. മുന്‍പ് മൂന്ന് തവണയും ആര്യന്‍ ഖാന് കോടതി ജാമ്യം നിഷേധിച്ചിരുന്നു. ഇത് നാലാം തവണയാണ് കോടതി ജാമ്യാപേക്ഷ പരിഗണിക്കുന്നത്.
കഴിഞ്ഞ വെള്ളിയാഴ്ച മുതല്‍ മുംബൈ ജയിലിലാണ് ആര്യന്‍ ഖാന്. മുംബൈയില്‍ ആഡംബര കപ്പലില്‍ ലഹരിപാര്‍ട്ടി നടക്കുന്നതിനിടെയാണ് ആര്യന്‍ ഖാന് പിടിയിലാകുന്നത്. ആര്യനൊപ്പം ഒന്‍പത് പേരും പിടിയിലായിരുന്നു.
