വാഴക്കുളം: ഗോവയില്‍ കാറിടിച്ച് മരിച്ച മൂവാറ്റുപുഴ സ്വദേശിയുടെ മൃതദേഹം ഇന്ന് നാട്ടിലെത്തിക്കും. മൂവാറ്റുപുഴ, മഞ്ഞള്ളൂര്‍, മനയത്ത് ഷാജു എം.സി.യുടെയും ശ്രീകലയുടെയും ( സരസ്വതി സ്‌കൂള്‍, കല്ലൂര്‍ക്കാട്) മകന്‍ നിഖില്‍ ഷാജുവാണ് (22) വെള്ളിയാഴ്ച ഗോവയില്‍ കാറിടിച്ച് മരിച്ചത്. നടന്നു പോകവെയായിരുന്നു അപകടം. കാര്‍ നിര്‍ത്താതെ പോയി.
ഏവിയേഷന്‍ കോഴ്‌സ് കഴിഞ്ഞ് ബേര്‍ഡ് എയര്‍പോര്‍ട്ട് സര്‍വീസില്‍ ജോലി ചെയ്യുകയായിരുന്നു. സഹോദരന്‍: ഗോകുല്‍ ഷാജു (ഇസാഫ് ബാങ്ക്).
