കൊവിഡിന്റെ ആഗോള വ്യാപനം കൂടുല് ഗുരുതരമാകുന്നുവെന്ന മുന്നറിയിപ്പ് നൽകി ലോകാരോഗ്യ സംഘടന. അമേരിക്കൻ ഭൂഖണ്ഡങ്ങളിൽ രോഗവ്യാപനത്തിന്റെ തോത് ഏറിവരികയാണെന്നാണ് ലോകാരോഗ്യ സംഘടന വ്യക്തമാക്കുന്നത്.
കിഴക്കന് ഏഷ്യ, യൂറോപ്പ് എന്നിവയ്ക്ക് ശേഷം അമേരിക്കന് ഭുഖണ്ഡങ്ങളിലാണ് രോഗവ്യാപനം കൂടുതല്. കഴിഞ്ഞ ഒമ്പത് ദിവസവും ഒരുലക്ഷം വീതം ആളുകള്ക്ക് പുതിയതായി രോഗബാധയുണ്ടായി. കഴിഞ്ഞ ഞായറാഴ്ച മാത്രം 1,36,000 പുതിയ കൊവിഡ് രോഗികളുണ്ടായി. 72 ലക്ഷത്തോളം ആളുകള്ക്കാണ് നിലവില് രോഗം ബാധിച്ചത്. രോഗവ്യാപനം തുടങ്ങിയിട്ട് ആറുമാസത്തിലേറെയായി. എന്നാലും ഒരു രാജ്യവും പ്രതിരോധ പ്രവര്ത്തനങ്ങളില് നിന്ന് പിന്നാക്കം പോകരുതെന്ന് ലോകാരോഗ്യ സംഘടന ആവശ്യപ്പെട്ടു.
അമേരിക്കയിലുള്പ്പെടെ നടക്കുന്ന വര്ണവെറിക്കെതിരായ പ്രതിഷേധങ്ങളില് സുരക്ഷിത അകലവും മറ്റും പാലിക്കണമെന്നും സംഘടന അറിയിച്ചു. പല രാജ്യങ്ങളിലും രോഗലക്ഷണമില്ലാത്ത വൈറസ് ബാധിതരെ തിരിച്ചറിഞ്ഞിട്ടുണ്ട്. എന്നാല് ഇവരില് നിന്ന് മറ്റുള്ളവരിലേക്ക് രോഗം പകര്ന്നതായി കണ്ടെത്താനായിട്ടില്ലെന്നും ലോകാരോഗ്യ സംഘടന പകര്ച്ചവ്യാധി വിദഗനായ വാന് കോര്കോവ് വ്യക്തമാക്കി.
