കണ്ണൂര്: പാനൂരില് യുവതിയെ വീട്ടില് കയറി വെട്ടിക്കൊന്നു. കണ്ണാച്ചാന് കണ്ടി ഹൗസില് വിനോദിന്റെ മകള് വിഷ്ണുപ്രിയ(23) നെയാണ് കൊല്ലപ്പെട്ട നിലയില് കണ്ടെത്തിയത്. മുഖംമൂടി ധരിച്ചയാളാണ് ആക്രമണം നടത്തിയതെന്ന് നാട്ടുകാര് പറഞ്ഞു.ഇന്ന് ഉച്ച 12 മണിക്ക് ശേഷമാണ് വീടിനുള്ളില് വിഷ്ണുപ്രിയയുടെ മൃതദേഹം കണ്ടെത്തിയത്.
വിഷ്ണുപ്രിയയുടെ സുഹൃത്തായ മാനന്തേരി സ്വദേശി ശ്യാംജിത്തിനെ പൊലിസ് ക്സ്റ്റഡിയിലെടുത്തു. പ്രണയനൈരാശ്യമാണ് കൊലപാതകത്തിന് കാരണമെന്ന് പൊലീസ് അറിയിച്ചു. ഇയാളുടെ അറസ്റ്റ് രേഖപ്പെടുത്തി. ഇയാളെ കണ്ണൂര് എസ്പിയുടെ നേതൃത്വത്തിലുള്ള സംഘം ചോദ്യം ചെയ്യുകയാണ്.
ഇന്ന് ഉച്ചയോടെയാണ് കണ്ണച്ചാന്ക്കണ്ടി ഹൗസില് വിനോദിന്റെ മകള് വിഷ്ണുപ്രിയ (23)യെ കൊല്ലപ്പെട്ട നിലയില് കണ്ടെത്തിയത്. കഴുത്തറുത്ത് ഇരു കൈകളും വെട്ടിമുറിച്ച നിലയില് കിടപ്പുമുറിയിലായിരുന്നു മൃതദേഹമെന്ന് പൊലീസ് പറഞ്ഞു. ആക്രമണസമയത്ത് വീട്ടില് തനിച്ചായിരുന്നു വിഷ്ണുപ്രിയ. അഞ്ചു ദിവസം മുമ്പ് വിഷ്ണുപ്രിയയുടെ പിതാവിന്റെ അമ്മ മരണപ്പെട്ടതിനാല് കുടുംബക്കാരും ബന്ധുക്കളും അവിടെയായിരുന്നു. ഉച്ചയോടെ തൊപ്പി ധരിച്ച് ബാഗുമായി ഒരാളെ വിഷ്ണുപ്രിയയുടെ വീടിന് മുന്നില് കണ്ടതായാണ് നാട്ടുകാര് മൊഴി നല്കിയിരുന്നു.പാനൂരിലെ സ്വകാര്യ ലാബിലെ ജീവനക്കാരിയാണ് വിഷ്ണുപ്രിയ. സഹോദരങ്ങള്: വിസ്മയ, വിപിന, അരുണ്.
